Download pdf - Textualscholarship.nl

924
928
932
936
940
944
948
952
956
960
26 Beda, Expositio Apocalypseos 389
schen dode hongheren sullen, dan vrieliker na haren wille worden ghelaten
die helighe kerke te oefenen ende pinen te verdervene. Want het
es te duchtene dat si dan herde seere sullen scaden alsi ontbonden sijn,
die nu so sere scaden ghebonden.
Ende also sagic etc. Ende dieder op saten, die hadden vierighe halsberghe
van verwoetheden ende van oncuuscheden, ende van pecke, dat
es duuster ende blint in valscher leere, ende sulfer overmids den stanc
harer sondentliker werken, ende die hoofde der paerden, dat sijn die
overste vander ongheloven. Der dienre des viants sullen sijn als hoofde
der leeuwen, verscorende ende stinkende.
Ende van haren monde ginc voort etc. Dat es, van harer openbarer
predekinghen gaet voort vier, rooc ende sulfer, tot eenre figu|ren
harer eeuwigher pinen. Tfier dat es verwoedende ghiericheit, smoec
der hoverdicheit ende sulfer der stinkender werken.
Want dat ghewout der perden was in haren mont ende in haren
sterten. Ende dat es, in haren woorden ende den princen oft hare
ambachte houdende, want een prophete die loghene leert, dat es een
stert die sine blintheit ende onreinicheit bedect met sijnre smeekender
tonghen, sprekende toten bosen: Du best goet.
Want in haren sterten etc. Die valsche leeraren overmids die hulpe
ende bescermenissen der princen der erden, so sullen si meer scaden
dan of si predicten alleene.
Ende die ander menscen etc. Dat es, die heidenen sullen bliven in
harer ongheloven ende quaetheit.
Hier es bescreven die onghelove ende persecucie der verboden Anticristi
ende sine wreetheit, ende te bewisene sinen val, so volghet hi nu
sine maniere des boecs ende onderhaelt ierst vander gheborten ons heren
ende bescrivet die glorie der heligher kerken, also als Beda be -
scrijft. Maer een ander glose hout dat die naeste capittel, also alst van
Cristo bediedt sal worden, dat daer gheestelike bi te verstane es een
wedermakere des gheloven daer Cristus gheestelike in es, daer die helighe
kerke bi wedervergadert ende verlicht sal worden nader persecucien
der tyranne vorseit die noch toecomende es, ende dat dit al gheschien
sal eer die leste plaghe Anticristi ghescien sal. Daer hier inne
niet eyntelike en sal worden af gheroert, maer also vele als god ghehingt
te ghesciene. Dat ghi daer te meer ghetuuchs af hebt ende uwe
vroude gode te dancbaerre si, want hi de sine verlossen sal. Beda vol -
ghet dese gloze, want hi aenghe|nomen es vander heligher kerken.
B 940/1 cf. Jes. 9:14 942 cf. Spr. 24:24
9:17
9:19
9:20
9:21
71ra
71rb
V 948 Nieuw commentaardeel bij Apok. 9:21: Et non egerunt paenitentiam ab homicidiis suis neque a veneficiis
suis (‘En zij bekeerden zich niet van hun moorden en toverkunsten, van hun ontucht en dieverij’)