Download pdf - Textualscholarship.nl

856
860
864
868
872
876
880
884
26 Beda, Expositio Apocalypseos 387
Ende haer pineghe etc. Dat es waneer si hem pineghen met
smeekene of met dreeghene die aerdsche goede te settene voor die
ewighe goede. Dit scorpioen heeft dat gheslachte der adren ghegheven
haren kindren, jeghen parablen der ewangelien.
Ende in dien daghen etc. In welken men verstaen mach dat die
sorghe der verschederinghe des cuds sal binden die prelate ten arbeide,
ontsiende den | val op dat si te vromer selen worden gevonden.
Ende die ghelikenisse der spelthanen sijn ghelijc den paerden
bereidt ten stride, snel wide te lopene, sterc te vechtene in allen
menschen. Ghelike dat die paerde niet en sijn van eighender redenen
maer van bedwanghe der ghonre die daerop sitten, worden ghevoert
inden strijt, also sullen die quade leeren worden ghevoert vanden
viantliken gheeste die helighe kerke aen te vechtene.
Ende opharen hovede als cronen ghelike den goude. Maer niet
gulden, want si sellen hem verwonnen te hebbene overmids harer valscher,
goetschinender leere.
Ende hare aensichten. Ende inden menscheliken aensichte es te verstane
veinsinghe des redenliken ondersceets; inden hare der wive haer
buuchame, wiveachtighe zeden; inden tanden der leeuwen, die
pleghen te scoren ende gheven natuerliken stanc, dat es die wreetheit
harer herten ende die mare harer valscher leere; ende inden yseren
halsberghe es te verstane die verhertheit harer herten, die
waerheit hare sentencie bewapent met bedriechenissen, hebbende een
ghedaente der goedertierenheit, haer doghet verwimpelende, ende comen
in die cleedre der scape, maer van binnen sijnt gripende wolve.
Ende die stemme harer vloghele als een stemme der waghene
veelre perden. Van welken meer af te verscricken es dan te bediedene
dat desen heere so grote crachten sullen toewassen. Eerst so gaet
een rooc op, daer na gaender spelthanen ute die ten eersten den scorpioenen
ende te hant den paerden ende den leeuwen worden ghelijct,
welker cracht ghenoech ware, al en quamen si niet ghe|wapent; maer
nu worden si vlieghende ende ghelike den stridende waghenen.
Ende hadden sterten ghelijc den scorpioenen. Als si sien dat
B 857/8 cf. Luc. 11:12 878 cf. 2 Tim. 3:5 879 Mat. 7:15
9:6
9:7
9:8
9:9
9:10
70rb
70va
K 855 pinenghe; cf. Gryson, 349, r. 45: cruciatus (znw. ‘marteling’). In de Mnl. legger kan zowel pinenghe
als pineghen (als gesubstantiveerd werkwoord) hebben gestaan. 876 jeghen die waerheit; cf. Gryson,
351, r. 71/2: contra veritatem
V 860 verschederinghe: vermoedelijk verwant aan verscheidinge: uiteenvallen in letterlijke zin, sterven in
overdrachtelijke zin.
P 862 Na paerden volgt bre; deze letters zijn geëxpungeerd.