Download pdf - Textualscholarship.nl

386 Het Wiesbadense handschrift folio 69vb-70va
820
824
828
832
836
840
844
848
852
oversten. Die slotel, dat sijn die princen der erden, overmids welke si
sullen coenheit ghecrighen hem te openbaren ende op te luken. Den
put des afgronts, dat es die diepheit harer ongheloven.
Ende het sloech op die rooc des puts als een rooc eens groots
ovens. Dat es, haer leeringhe sal sijn verblindende die oghen ghelike
den roke, ende eene voorboodstere der lester persecucien Anticristi,
des groten ovens, welker vierigher onghelovicheit niet alleene die
crancke ende die onvolcomene, die beteikent sijn bider lucht die een
deel der eerden ende den hemel roert, ende sal pinen te verduusterene,
maer ooc der verhogeder lichte, dat zonnen sijn des si niet en sullen
moghen uutdoen. Want inder dwalinghen sellen si worden ingheleidt,
oft gheschien mach, ooc die vercorene.
Ende vanden smoeke des puts gingen uut spelthanen inder eerden.
Ghelike dat die helighen sijn dat lichaem Cristi ende die leden
vanden lede, also wassen vanden leden den vleesche des draken aenhanghende
a[e]nder lede; die roke der | blintheit der onghelovigher
ghebaret die hoverdie der quadre, quetsende inden monde, die vanden
winde der hoverdien sijn opghewait, nochtan en laten si die aerdsche
dinghen niet. Want nieuwer si en vlieghen hoghe int bescouwende leven,
noch si en gaen rechte inden werkenden leven. Want dien rooc
daer si af wassen, al eest dat hi hoghe opvliecht, hi vervaet in hem
selven.
Ende hen es ghegheven ghewout ghelijc dat hebben die scorpioene
der eerden, onnosel ende smeekende naden aenghesichte,
maer inden sterte haer venijn houdende.
Ende hem wort gheboden dat si nieten quetsten dat hoy. Welc
Beda sempelike also neemt, mer men mach verstaen biden hoie die
goetwillighe, semple, ghelovighe menschen, ende biden groenen die
groiende, voortgaende menschen int ghelove, biden boemen die
vruchtbrenghende menschen. Desen sal god gheven te kennene die onghelovighe
bi haren werken.
Dan alleene den mensche etc., dat sijn wereltlike menschen die
Cristum in haren werken niet en belien.
Biden v maenden sijn te verstane alle tijt of die v sinne des menschen,
ende worden toeghescreven den ghenen die naden sinne leven.
B 833/4 cf. 1 Kor. 12:27
K 835 ander: ‘andere’; cf. Gryson, 347, r. 17: alia 840 vervaert; cf. Gryson, 347, r. 21: deficit
V 838/9 Want – leven: belangrijke inhoudelijke toevoeging aan de tekst van Beda
9:2
9:3
9:4
9:5
70ra