Download pdf - Textualscholarship.nl

784
788
792
796
800
804
808
812
816
26 Beda, Expositio Apocalypseos 385
Ende die vierde enghel blies metter bosunen. Text. | In welken te
verstane es dat overmids den valschen broedren ende secten voerseit
dat derdendeel der sonnen, dat sijn die leeraren doverste die inder heligher
kerken sijn, wort gheslaghen, ende terdendeel der manen, dat
sijn die mindre leeraren, ende terdendeel der sterren, dat sijn die ghene
die vanden leeraren verlicht worden souden, die worden verduustert;
dat es, si sullen verliesen die kennisse gods ende der warachtigher
wijsheit ende der doghedeliker werken.
Alse dat derdendeel des daghes ende der nachte des ghelijcs
niet en lichtede. Alse datmen gheen ondersceet en soude weten der
goeder noch der quader. Ooc heeft een ander translacie of text: Dat des
daghes derdendeel verschene ende des nachtes des ghelijcs. Dat es,
daer toe es haer derdendeel gheslaghen, op dat verschene wie Cristus
ware. Daer toe es haer derdendeel gheslaghen, dat es haren wille ghe -
gheven te volbrenghen, op dat overvloiende hare sonden ende ghewoenlic
worden ende in siere tijt worden gheopenbaert.
Ende ic sach ende hoorde een stemme eens groten arens. Des
arens stemme uten monde der godliker leeraren doervlieghet daghelics
die helighe kerke, also si die valscheit der onghelovigher horen, die
vroetheit Anticristi ende den dach des oordeels den minnaren der eerden
predeken zwaerlic toe te comene, seggende: Inden lesten daghen
sellen aenstaen anxtelike tide, ende het sullen sijn menschen hem selven
minnende; ende voort: Menschen vervult inder herten, wederproeft
int ghelove; ende teenre ander stede: Dan sal worden gheopenbaert
die ongherechtighe die contrarie es, ende sal worden verheven
boven al dat god gheheten wort of datmen oefent. Ende voert: Die
dach des heeren, als die dief inder nacht so sal hi comen, want waneer
hi seghet ‘vrede ende sekerheit’, dan sal hem overcomen | die haesti ghe
doot.
Vanden anderen stemme der iii enghele etc. Text. Niet dat die
bosune der enghele der werelt die plaghen invueren, mer een yghelic
enghel comende in sijnre tijt sullense prediken toecomende.
Ende die vijfte enghel blies metter bosunen. Van welker vlamme
der secten voren of gheroert es, ende bediedt nu uut wat fonteinen si
vloiende sijn. Want die oude viant, die onse heere sach als blixen vallen
vanden hemele, met sijnre blasphemerender leringhen so heeft hi
opghedaen die herten der sijnre ende heeft hem gheleert hoghe din -
ghen te heeschene, ghelike den rooke quaetheit te sprekene inden
8:12
69va
8:13
9:1
69vb
B 802/4 2 Tim. 3:1-2 804/5 2 Tim. 3:8 805/7 cf. 2 Tess. 2:8, 4 807/10 1 Tess. 5:2-3 816/7 Luc.
10:18 817/20 cf. Ps. 72(73):8
P 798 Na een begon de kopiist met gro; deze letters zijn geëxpungeerd.