Download pdf - Textualscholarship.nl

384 Het Wiesbadense handschrift folio 69ra-69vb
748
752
756
760
764
768
772
776
780
die duvel, opzwillende in hoverdien ende vanden viere sijnre verwoetheit
bernende als een berch, in die zee der werlt ghesendt, daer onse
heere af spreect: Es dat sake dat ghi desen berch segghet: Ganc en wech
ende in die zee, het sal ghescien. Dat niet te verstane en es, dat hi daer
te voren niet en was, maer dat hi uter kerken ghewor pen es, so vele te
meer in die sine sal verwoeden beghinnen, in hoverdien vleescheliker
wijsheit hem den gheesteliken doot in te storten. Want te smaken naden
vleesche es die doot. Ende noch vleesch noch bloet en leerde die
apostelen, maer die hemelsche vader. In die zee der godliker leere so
regierden si dat scip des gheloven dat hem tredelike gaf den voeten ons
heeren.
Ende dat derdendeel der ghonre die sielen hadden der bescedenheit
inder zee der bloedigher werelt starf. Want si | hare
beestelicheit volchden, haerre redene verduusteren de levende doot
sijn.
Ende dat derdendeel der scepe. Dat sijn der scepe ghoonre die die
andre bestieren soude, ghinct onder, dat es, verdranc of verdrinken in
die zee der wareliker wijsheit, dats ghiericheit ende beestelicheit. Ooc
hebben someghe texte ende scrift: Ende dat derdendeel der scepe verdorven
si. Dat betekent dat een derdendeel dat doot es, sal doden dat
ander derdendeel dat hen volcht, overmids haren valschen statute ende
navolghinghe harer onnutter leeringhen.
Ende die derde enghel blies etc. Ende een grote sterre viel
vanden hemel etc. Text. Dat es, een onghelovich kettre die scijnt inden
hemel, dat es inder heligher kerken, een sterre. Of men mach daer
bi verstaen ghemeenlike alle die onghelovighe secten te gadre, die welke
die apostel sterren der verleidinghe noemt, vallende vander hoocheit
der heiligher kerken, bernende in nidicheit als een wipe, haer selven
verterende met haren valschen glosen ende bediedinghe in die
heilighe scrifte, ende in die fonteinen der ewangelien.
Ende hare name es abscincium, alsene. Dat es een bitter cruut,
want des cruuts eene partie pleghet bitter te makene eene grote soeticheit.
Ende vele menscen sijn ghestorven vanden watre harer valscher
leere. Alse die apostel seget: Vele sullen daer volghen haren oncuuscheden,
overmids welken die wech der waerheit sal werden gheblasphemeert.
B 752/3 cf. Rom. 8:5-6 753/5 cf. Mat. 16:17 757/9 cf. 1 Tim. 5:6 779/81 2 Pet. 2:2
8:9
8:10
8:11
69rb
V 754 tredelike: ‘betreedbaar’, niet in MNW; cf. tredelinc: ‘iets waarop men trapt’. Cf. Gryson, 341, r. 39:
calcabile. 772 wipe: ‘bundel stro’