Download pdf - Textualscholarship.nl

380 Het Wiesbadense handschrift folio 67vb-68va
620
624
628
632
636
640
644
648
ken ghenycht sijn, uut welken xii gheslachten uut elken xii m ghetekent
sijn, die sijn van sonderlingher verdienten, alse van suveren levene
Cristo, den lamme gods, teenen voor offer behouden, van welken noch
namels gheroert sal worden. Juda, die inder biechten lovelic sijn; Ruben,
die inden kinde der werken voersiende sijn; Gad, die in oefenin -
ghen der becoringhen ghesterct sijn; Aser, die inder verwinninghen
der stride salich sijn; Neptalim, die inden werken der ontfermherticheit
verbreidt sijn; Manasses, die voorle|denre dinghen vergheten
hebben in Cristo; Symeoen, die droeve sijn noch inden dale der tranen,
me[e]r altoos mede verblidende inden name der woninghen suchtende
naden hemelschen Jherusalem; Levi, die ghene die vanden beloefnissen
des jeghenwordighen levens ende des toecomenden levens hem te gader
verbliden, ende hebben toeghege ven alle tijtlike goede ghefundeert opten
ewighen goede; Yzachar, die inder bescouwinghen des toecomenden
levens bestedicht sijn; Zabulon, die voer Cristo haer siele setten; Joseph,
die haren vlijt legghen inder vermeeringhen der gheesteliker
substancien in haren broederen, of boven den ghebode gods in reinicheit
ende in anderen dogheden leven; Benjamin, die de rechterhant des
ewigher salicheit in ontwifelachtigher stedicheit verbeiden.
Daer na sach ic dat een grote scare. In welken hi bescrivet die
glorie der ghonre die de bedriechenisse sullen verwinnen der lester
persecucien.
Biden witten stole es te verstane die claerheit die hem overmids den
helighen gheest sal worden gegeven.
Voort so bescrivet hi hoe die helige kerke gode opoffert sevenderhande
lof der doghenden, die si haer belijt ontfanghen te hebben in eenen
ygheliken leden.
Ende een vanden oudren etc. In welken te ver stane es dat die gone
die voldurich bliven inden ghelove tot die leste persecucie gheleden es,
sellen ontmiddelt worden van allen dat hem een middel heeft gheweest
tussen gode ende hen, dat beide te verstane es die inden persecucien int
ghelove sterven in ewicheit, ende ooc die nader persecucien ghelovich
sijn inder tijt.
B 625/6 2 Kor. 6:10
K 626 mer; cf. Gryson, 321, r. 153: autem
V 641 Nieuw commentaardeel bij Apok. 7:12: Benedictio et claritas et sapientia et gratiarum actio et honor
et virtus et fortitudo deo nostro (‘Lof en heerlijkheid en wijsheid en dank, eer en macht en sterkte aan
onze God’)
P 635 Voor stedicheit is salicheit geëxpungeerd.
7:9
7:12
7:13
68ra