Download pdf - Textualscholarship.nl

378 Het Wiesbadense handschrift folio 67rb-67vb
552
556
560
564
568
572
576
580
584
Uten gheslachte Aser xii m getekent
Ende want die salich sijn, die doorproeft sijn inder verduldicheit, daer
omme wort na Gad Aser gheset, dat ‘salich’ bediet of ‘die der werelt
niet toe ne es gheneicht’. Want salich es die man die daer lijt die becoringhe,
want als hi gheproeft es, so sal hi ontfaen die crone des levens.
Maer want so wie in trouwer belovenissen seker es deser salicheit, niet
en wort versaghet inden lidene, maer inder hopen verblidende inder
bedroefnissen verduldich te wesen, ende singhet met David: Inder bedroefnissen
hebstu mi verbreit mijn herte. Ende voort: Ic hebbe gheloepen
den wech dijnre gheboden doen du verbreides mijn herte. Ende
hi mach spreken met Samuels moeder verblidende: Verbreit es mijn
mont over mine viande, want ic ben *verblijt in dinen behoude.
Uten gheslachte Neptalym xii m getekent
Daer omme volghet Neptalym daer na, dat breitheit bediet der werken
der ontfermherticheit.
Uten gheslachte Manas sen xii m gete kent
Welken volcht | Manasses, dat bediet die vergheten heeft, noch hem
selven iet besorcht van nootorften. In welken wi ghemaent worden, als
wi gheleert sijn inden bedwanghe der becoringhen, dat wi also sullen
vergheten dien zin der *voorledenre dinghen, ons uutreckende inden
toecomenden dinghen, dat wi ons vleeschs sorghe niet inder begaerlicheit,
maer alleene uut menscheliker noodorft met anxte doen. Van
welken na beteren David suchtende sprac: Van minen noodorften verlosse
mi.
Uten geslachte Symeons xii m getekent
Hier na volcht Symeon, dat bediet ‘horinghe der bedroevenissen’, welc
name dat ons wijst wat hier es te hebben ende wat salicheit es te verbeidene.
Want dien sal worden ghegheven die vrouchde der hemelscher
woninghen, welker moet hier in vruchtbarigher penitencien
wordt bedroeft.
Uten gheslachte Levi xii m getekent
Daer na es gheset Levi. Dat bediet ‘toeghegeven’, in welken men verstaen
mach die ghene die metten tijtliken goede die ewighe goede co-
7:6
7:7
67va
B 557/9 cf. Rom. 12:12 559/60 cf. Ps. 4:2 559/61 Ps. 118(119):32 562/3 cf. 1 Sam. 2:1 570/2 cf.
Fil. 3:13 572/3 cf. Rom. 13:14 574/5 Ps. 24(25):17
K 552 Uten – getekent: staat in hs. tussen inder en verduldicheit (553) 563 hs. verblint; bijbeltekst: laetata
sum (‘want ik verheug mij’) 564 Uten – getekent: staat in hs. tussen volghet en Neptalym (565)
567 Uten – getekent: staat in hs. tussen volcht en Manasses (568) 571 hs. voorlendre; cf. Gryson 317,
r. 99: …ea quae retro sunt 576 Uten – getekent: staat in hs. tussen hier na en volcht (577) 582 Uten
– getekent: staat in hs. tussen de delen van het gesplitste woord Le|vi (583)
V 583 toeghegeven (toegeven): ‘toegevoegd, vermeerderd’; cf. Gryson, 317, r. 110: additus