Download pdf - Textualscholarship.nl

524
528
532
536
540
544
548
26 Beda, Expositio Apocalypseos 377
den pade die hoeven des paerts, op dat valle sijn opclimmer. Ende
want Johannes niet en meent die oordene der aerdscher gheslachten
mer nader bediedinghe der namen die doghede der heiligher kerken te
ruerne, want die heilighe kerke van belyinghe ende lof hier in der
jeghenwoordi gher tijt haest te comene ter rechterhant des ewichs levens,
dat Judas, die ierste name, ende Benjamin, die leste name, bedieden.
Daeromme wort Judas eerst gheset, dat beliïnghe oft lovin ghe
bediet, want sonder den beghinsel der biechten so en vercrighet niement
die hoecheit der goeder werken; ende ten si dat wi overmids
biechte versaken die quade werken, sone moghen wi nemmer worden
gheformeert vanden goede.
Uten gheslachte Ruben xii m gheteekent
Die ander Ruben, bediedt ‘siende tkint’. Biden kinde verstaetmen die
werken, also David seght: Dine kindre sellen sijn als jonghe lovere van
oliven. Ende voort: Op dattu sult sien die kindre dijnre kinderen.
Want niement die gode ontsiet, ten si dat hi kindere winne ende ma -
ghe ontfa, en mach salich sijn, ende want dat alre vruchtbarichste loene
te trouwe moghen verwachten, so sijn inden kindren der kin|dere
die vruchte der werken, dat es dat ewighe loon. Daer omme staet na
Judam Ruben, dat es naden beghinsele der godliker beliïnghen ende
des loves, so volghet volcomenheit der doghedeliker werken.
Uten gheslachte Gaed xii m ghetekent
Maer want overmids vele bedroevenissen ons behoort in te gane int
rike gods, so volghet na Ruben Gad, dat bediet ‘becoringhe’ of ‘begort’.
Want nader beghinninghen des goeden wercs so es noot den
mensche met meere becoringhen te worden gheproevet ende tot zware
striden worden begort, op dat die stercheit sijns ghelove worde gheproeft.
Salemoen seghet: Du, toegaende ten dienste gods, sta in gherechticheden
ende in vreesen, ende bereide dine siele toter becorin -
ghen. Ende David seit: Du hebs mi omme begort metter do ghet ten
stride.
B 534 Ps. 127(128):3 535 Ps. 127(128):6 548/9 Sir. 2:1 550 Ps. 17(18):40 555/6 Jak. 1:12
67rb
V 536/9 De vertaler heeft zijn brontekst niet goed begrepen: Non enim qui timet Dominum, nisi genuerit
filios nepotesque susciperet, beatus esse non potest, cum virgines fideles potior merces exspectet, sed in filiis
opera, in filiis vero filiorum fructus operum, id est mercedem designat aeternam. De strekking van het
Latijn is: het is niet zo dat men niet zalig kan worden tenzij men kinderen krijgt, want de trouwe maagden
(niet in vertaling!) ontvangen immers een groter loon, maar het is zo dat in de kinderen de werken,
en in de kinderen van de kinderen de vruchten van de werken worden begrepen, te weten, het eeuwige
loon.
P 521 pade: hs. paerde waarvan er is doorgestreept en geëxpungeerd.