Download pdf - Textualscholarship.nl

392
396
400
404
408
412
416
420
424
26 Beda, Expositio Apocalypseos 373
ghesegt ‘en quetse niet’, so es ons bewijst aldaer te *sijn den ghonen
die daer quetset. Van desen voorlopenden paerde spreect die apostel:
Van buten selen sijn van stride, van binnen vreese.
Twee pont terwen om eenen denier etc. Beda op dat selve te gader
seghet: Hoet di dattu niet met dinen quaden exemplen dinen broedren
en scenst daer Cristus om ghestorven es, ende draghet die intekene der
edelheit des helighen bloets ende des kersdoms, want si sijn van volcomenen
verdienten oft van mindren, ieghelike die inder heiligher kerken
inden ghelove der heligher drievoudicheit sijn gheleert, alle sijn si
in eenen volcomenen cope des bloets ons heeren verlost. Ende ghi sult
merken dat hi seghet ii pont ende niet i pont, in wort bewijst
volcomenheit des gheloven ende | des wercs, welke beide inder wortelen
der twivoldigher minnen es gheleghen. Of bider tarwen es te verstane
die gheproefde inden lidene ende den martelaren, volcomen inden
ghelove ende inden werken om Cristo; biden gheersten, die
minder sijn van verdienten, gheloevich inder heligher drievoudicheit,
gheproeft inder persecucien om Cristo; biden wine die leeraren scarp
ende claer in hem selven, ende die ander dronken maken in godliker
leere; bider olyen sijn te verstane die helighen die met haren helighen
ghebede hare broedere ontfermhertelike zalven. Die welke iiii stade
onghequetst sullen bliven vander scaren der valscher broedre. Text.
Ende sich, een ghelu paert etc. Biden welken te verstane sijn die
onghelovighe secten der ypocriten ende der ketteren, die van buten
hem bemantelen ghelovich ende warachtich, inden welken die viant
metten dode der verhertheit es wonende. Daer omme si waerdich sijn
die hellen, des verdoemden heers hem consenterende na hem tidende
in die ewighe duusternisse die hen ghehouden es.
Ende hem wert [etc.] ghewout ghegheven over die iiii deele der
eerden, te dodene metten zwaerde der marterliker leere, ende met
hongher der woorden gods, ende metten dode harer ongheloven, ende
metten beesten der eerden, dat es met haren beesteliken, eerdeliken leven.
Ende somighe texten van Apocalipsi heeft maer iii deelen, ende
overvoert dat vierde deel, dat es dat die iii quade deelen overmids haren
rectore, den duvel, vervolghen dat vierde, dat es die heligh kerke.
Ende doen hi op hadde ghedaen dat vijfte inzeghel, doen sagh -
ic etc. Hier bescrivet hi die glorie der ghedodre door dat ghetughenis-
B 392 2 Kor. 7:5
K 390 sijn: hs. siene; cf. Gryson, 299, r. 44: esse 400 daer: noodzakelijke toevoeging; geen duidelijke parallel
in Gryson
V 395 intekene: ‘onderscheidingen’, niet in MNW; cf. Gryson, 299, r. 49: insignia
6:6
6:8
6:9
66ra