Download pdf - Textualscholarship.nl

372 Het Wiesbadense handschrift folio 65va-66ra
356
360
364
368
372
376
380
384
388
Ende ic sach dat lam etc. Hier beghint dat sevende capitel, inden
welken hi bescrivet hoe die verwinstre, die helighe kerke, inden drie -
formeghen striden der heidenen of der vleescheliker lieden, der valscher
broedre, ende der valscher secten der onghelovigher wort aen -
ghe vochten, des die verwinninghe der heligher kerken es inden
wreden des doots des jeghenwoordighen lichaems inder tijt ende inder
toecomender glorien inder ewicheit.
Ende ghi sult merken dat ghewoenlic es die inzeghele ierst op te doene,
daer na dat boec, maer in dien dat ons heere ierst was lidende ende
verrisende ende dan opvarende inden hemel, hevet hi den helighen
gheest ghesent ende die helighe kerke bestedighet inder gaven der verborgheliker,
godliker heimelicheit. So es dat boec doen opgheloken
ende nu worden sine inzeghele ghelost. Inden eersten seghel die chierheit
der verwinninghen der beghynnender, heligher kerken. Inden anderen
drien haer drie stride. Inden vijften die glorie der striden. Inden
sesten die toecomende werken Anticristi dat in sinen tide ghescien sal,
ende onderhaelt dan weder, ende siet inden sevenden dat beghin der
ewigher rusten.
Ende ic sach ende sich, een wit paert etc. Text. Onse heere die
met sijnre ghenaden op die helighe kerke sit, die hi wit ghemaect heeft
inder dopen | sijns bloets, overmids sijnre menscheit draghende die
wapine der gheesteliker leringhen der heligher scriften jeghen die
quade, ontfaet die crone als een verwinre in den sinen.
Ende sich, een ander paert etc. Dat bloedighe volc der sonden es
die viant opsittende jeghen die heilighe kerke; ende hem es ghegheven
den vrede te nemene vanden ghonen die der eerden aenhanghen, maer
die helighe kerke heeft ontfanghen den ewighen vrede die hoer Cristus
ghelaten heeft.
Ende hem es etc. Dat es, die helighe kerke te vervolghene, oft inden
ghenen die hi ghemaect heeft wederwerker des gheloven, op dat die
wrake sijnre verwoetheit weder ga in hem selven.
Ende sich, een swert paert etc. Biden welken es te verstane die scare
der valscher broedre, die die waghescale der rechter prophetien hebben,
maer si quetsen haer ghesellen overmids [dor] hare werken der
duusternissen. Want in dien dat hem in die middel der dieren wert
B 374 cf. Ps. 50:9
K 388 dor: het woord is overbodig en lijkt te zijn geëxpungeerd.
6:1
6:2
6:4
6:5
65vb
V 355/61 De tekst van dit commentaardeel is ontleend aan de capitula van Beda; cf. voetnoot bij Prol.16.
379 opsittende: ‘te paard zittend’; cf. MNW opsitten: ‘te paard zitten’, met bijbetekenis ‘aanvallen’ 384
wederwerker: ‘tegenstander’, niet in MNW; cf. wederwerc: ‘vijandige daad, verzet’. Cf. Gryson, 297, r.
34: praevaricatores