Download pdf - Textualscholarship.nl

320
324
328
332
336
340
344
348
352
26 Beda, Expositio Apocalypseos 371
selike te sterven ende noch doet inder heligher kerken gheestelike,
ende es worden een leeu den doot sterkelic te verwinnen.
Hebbende vii horen der stercheit der gaven des helichs gheests, ende
vii oghen door die verlichtinghe der ghenaden.
Ende es in die godheit die rechterhant des vaders. |
Ende doen dat lam dat boec op hadde ghedaen, doe vielen die
iiii dieren ende die xxiiii oudren voor dat lam. Doen onse heere
in sijnre passien beide der testamente verborghentheit in hem selven
betoonde vervult te wordene, die helighe kerke hem die ghenade weder
opdraghende, offert haer inden lidene, op dat si in haren vleesche
si vervullende die lidene Cristi. Biden herpen es te verstane die heli -
ghen die overmids dodinghe der sonden ende der begheerlicheit harer
snaren, dat sijn hare lichamen, bereet hebben te reckene anden hout
des crucen ons heren Jhesu Cristi, den doot door dat ghetuuch sijns
woords tonfane. Biden guldenen vedelen es te verstane hare herten,
open inder breetheit der godliker minnen voor haren vervolghenen te
biddene. Dat sijn die soete roken in die herten der heilighen.
Gaet ten texte voort. In welken ghi ooc verstaen moghet dat *biden
[der] iiii dieren ende der xxiiii oudren te verstane es die helighe kerke,
die inden bloede ons heren Jhesu Cristi verlost es, ende vergadert
van allen heidinen ende gheslachten. Ende ooc bewijst in wat hemele
si sijn sprekende:
Ende si sullen regneren opter eerden.
Ende ic sach ende hoorde die stemme veelre enghelen etc. In
welken ghi verstaen moghet die onghetallicheit der volke, der heili gher
kerken toevloyende, lovende den heere, die ghegheven es alle ghewout
inden hemel ende inder eerden. Ende ooc machmen daer bi verstaen
dat hemelsche ridderscap dat hem mede verblidende es der verlossenissen.
Also als sinte Gregorius die paues bediet, sprekende: Want die
stemme der enghele es inden love des sceppers, der verwonderinghe
der innentliker bescouwinghen.
Ende die iiii diere segghende: Amen. Ende die oudren etc. | Bediedende
die luden inder kerken die den lof gods oefenen, dat selve besteedighen
mede die leeraren, ende anbeden den heere teenen exemple
der dogheden ende der ghenaden.
B 326/30 cf. Kol. 1:24 348/50 cf. Greg. Magn., Moralia, ii, vii, 10 – ed. Adriaen, p. 65, r. 53-54
K 337/8 hs. bidden der
5:7
5:8 65rb
5:9
5:10
5:11
5:14
65va
V 337 Commentaar bij Apok. 5:9: Et redemisti nos deo in sanguine tuo ex omni tribu et lingua et populo et
natione (‘Want Gij zijt geslacht en Gij hebt hen gekocht voor God met uw bloed uit elke stam en taal en
volk en natie’)