Download pdf - Textualscholarship.nl

252
256
260
264
268
272
276
280
284
26 Beda, Expositio Apocalypseos 369
delicheit ende ootmoedicheit es betekent biden aenschine des menschen,
ende wes hemelsche doorscouwi[n]ghe opverhaventheit es betekent
biden vlieghenden aren.
Ende die iiii dieren ieghelic hadde sesse vloghelen. Text. Ende
die iiii dieren etc. Dat es dat si overmids volcomenheit der leere die elc
ewangeliste bescreven heeft, die helich kerke opvoert ter hoecheit.
Ooc es te verstane biden vierwarf vi vloghelen die xxiiii boeken des
ouden testaments, met welken die ewangelichlike waerheit des betu -
ghet ende wort beorcondt.
Ende inden ommeringhe etc. Die helighe kerke voor god ende
voorden menschen es hi wakende ende toesiende, wes innentlike
oghen David aensach, segghende: Alle die glorie der dochter des conincs
es van binnen, ende uterliken oghen, sprekende inden selven
veerse: Met guldenen fraengen ommeghecleet met menichfuldicheden.
Of men mach daer ooc bi verstaen: dat licht der ewangelien doorscinende
ende verclaert die duuster ghelikenisse der eeuwen, ende instort
dat heilich schijn der nieuwer ghenaden.
Ende si en hadden gheen ruste. Biden welken ghelove te verstane
es dat ewighe lof inder verstandeliker creaturen inder ewicheit, ende
belidinghe der enigher heerheit ende der godheit, ende der almachti -
gher ewicheit der heligher drievuldicheit altoos sal bliven sonder vergaen
ende sonder einde.
Doe vielen etc. Dat es die helighe kerke die vanden | meesten ende
vanden minderen vergadert es, alse leerare ende hare prelate ende ondersate,
inden voldurighen love der ewangelien, welc biden tweewarf
twaelve te verstane es, altehant es neder vallende in haer aenschijn,
aenbedende den levenden inder eeuwen der eeuwen.
Ende leiden haer crone etc. Dat es, gode toescrivende ende opdraghende
alle doghede, lof ende waerdicheit, die alle dinc van niet om
selven ghescapen heeft van pure ghenaden ende van minnen.
Ende ic sach etc. Hier voor heeft hi gheopenbaert ende gheruert die
ghenade des ewangelien, nu in desen capitel toent hi hoe Cristus als
een lam stervende was ende als een leeu verrisende, heeft opgheloken
beide die testamente, die besloten waren met vii inzeghelen overmids
alder volheit godliker heimelicheit. Daer omme so wert hi hier alse god
ende heere vander heligher kerken anghebeden.
B 262/3 Ps. 44(45):14 264 cf. Ps. 44(45):14
4:8
4:10
64vb
V 252 De woorden hemelsche doorscouwighe opverhaventheit zijn gezamenlijk de vertaling van het ene
woord sublimitas. 266 der eeuwen: ‘van de wet’; cf. MNW ee (Oude Testament (wet) versus Nieuwe
Testament (genade)). Cf. Gryson, 285, r. 95: legis. 281/6 De tekst van dit commentaardeel is ontleend
aan de Capitula van Beda; cf. voetnoot bij Prol.16.
5:1