Download pdf - Textualscholarship.nl

188
192
196
200
204
208
212
216
26 Beda, Expositio Apocalypseos 367
dat kint ende sal werden toeghevoeghet der enicheit der helighen kerken
des godliken levens.
Ende die nieuwe name Cristi dat es die kerstelike name. Niet dat dese
name den gods sone nieuwe es, die dese claerheit hadde eer die werelt
wert, mer hi es nieu den sone smenscen, die doot was ende es opverresen
ende sit ter rechterhant gods.
Ende den enghel der kerken scrijf Laodicie etc. |
{.......}
scinende inden wolken, di nader diluvie eerst wert in eenen teekene
der ghenaden, bediet dat inneghe, vierighe ghebet der heilighen daer
god in *scinet, daer die heilighe kerke in ghevesticht wert. Dat den
steen smaragde ghelijct van groter sonderlingher groenheit; want so si
volcomeliker groyende int ghelove verbeiden die onverganclike erfnisse,
so si moghentliker die ander in horen bede bescermen.
Ende inden omringhen des stoels xxiiii zetelen ende daer op
xxiiii ouderen sittende, bediet die helighe kerke die hi overmids
enicheit des gheloven in eenen stoel sach. Dien selven siet hi gheboren
overmids den twivoudighen testamente vanden patriarchen ende den
apostolen, in xxiiii stoele, sittende omme die oordeelende waerdicheit
in Cristo. Want si sullen sitten ende alle die lede oordeelen overmids
eenen ende in eenen hoofde. Ende ooc mach men die xxiiii ouderen
verstaen inden ghonen die vervullen die volcomenheit des woorts – dat
seste bediet –, welc dat elc ewangelium wort gheboden. Want vierwarf
sesse maken xxiiii.
Omghecleet met witte cleedren der goeder werken, ende in haren
hovede guldene cronen der minnen, in ewigher ghedachten
der herten die overste vruechde soekende.
Ende vanden trone gaen voort blixemen der miraclen die ververen
ende verlichten die stemme der predekinghen, ende donren der
dreighinghen des ordeels, ghelijc als inden apostelen volbracht es.
Biden vii gheesten es te verstane die volheit des sevenformeghen,
enighen gheests.
3:14
4:3 64ra
K 193/4 Hier ontbreekt een blad in de codex. Op f. 64r gaat de tekst verder met het commentaar bij Apok.
4:3. Aan het eind van de laatste regel van f. 63vb is met rood een a geschreven, en links van de eerste regel
op f. 64ra staat een b. 196 De kopiist schreef waarschijnlijk scnet. De i lijkt later toegevoegd te zijn.
V 191/2 cf. het Credo: ‘Hij is opgestegen ten hemel, zit aan de rechterhand van de Vader.’ 194 Commentaar
bij Apok. 4:3: Et iris in circuitu sedis similis visioni smaragdinae (‘En rond de troon was een regenboog,
helder als smaragd’)
P 193/4 cf. kritisch commentaar
4:4
4:5