Download pdf - Textualscholarship.nl

366 Het Wiesbadense handschrift folio 63va-64ra
156
160
164
168
172
176
180
184
der verwinninghen der heligher kerken ghewout die heidene te regerene
ende die vleeschelike liede inder ysender roeden der *onboocheliker
gherechticheit, ende selen tebreken hare valsche leeringhe, ende
setten als eens potmakers vat weder te verwandelene in goeden levene.
Ende sal hem gheven te werkene teekeene, also alst Cristus ghenomen
heeft van sinen vader.
Ende die lichte morghensterre, dat es die lichte verstannesse vanden
heilighen gheest in deser tijt ende in ewicheit.
Ende den enghel der kerken van Sardis scrijf. Sardis bediet een
beghin der chierheit, ende sijn bi betekent menschen | van suveren leven
oft priesterscap, rectore der heligher kerken. Dat verstaet in dien
dat hi seit: Die heeft die vii gheeste gods. Ende die vii sterren dat sijn
die rectore der heiligher kerken. Gaet voort ten texte.
Inden enghel der kerken van Philadelphia etc. Philadelphia bediet
‘die dat erve behouden’, ende sijn menschen die overmids armoede
des gheests op es ghedaen dat leven. Want si op hem selven niet en
achten, mer alle dinc der ghenaden gods toescriven. Ende overmids
haer oetmoedighe vereeneghen leven ende der godliker minnen die in
hem es, so sijn si behoudende hare broedre ende ghesontmakende met
exemplen ende godliker leere. Ende dese sijn nu versmaet vanden sinagogen
der joden, dat bediet die gone die nu gheestelike name ende
wise besitten ende op haers selves dogheden hem verhoverdighen,
ende willen gheestelic heeten, ende en sijns niet. Ende desen sal ghe -
scien als den broedren Josephs ghesciede, Jacobs des patriarken kin dre,
inder verwinninghen der heiligher kerken.
Biden slotel Davids es te verstane die invleeschinghe Cristi of sine
menscheit, die met sijnre conincliker ghewout den oetmoedighen ghelovighen
onsluut alle ghenade ende die verborghentheit der godliker
eeuwen, overmids welke si hadde anders allen eeuwen doen sterven in
gode, welke godlike eeuwe hi den onghelovighen hoverdighen vore -
sluut.
So wie verwint, sal sijn ene calumpne, vast bestedicht in hem selven
ende onthoudende die andre.
Ende ic sal scriven op hem etc. Dat es dat hi sal worden gheheten
2:28
3:1
3:7
3:12
63vb
K 154 Hs. onbooscheliker; geen duidelijke parallel in Gryson. Cf. commentaar bij Apok. 2:27, daar de frase:
in inflexibili iustitia (265, r. 155).
V 154/5 onboocheliker (onboochlic): ‘onbuigzame’ 170 vereeneghen: vermoedelijk is dit woord te begrijpen
als een vorm van verenigde; komt in MNW niet voor. 178 invleeschinghe: ‘menswording’, niet
in MNW; cf. invleescen: ‘vlees worden’
P 182 welke: hs. welker, met de r doorgestreept.