Download pdf - Textualscholarship.nl

364 Het Wiesbadense handschrift folio 63ra-63va
84
88
92
96
100
104
108
112
Ende den enghel der kerken Ephisi scrijf: Dat spreect die daer
houdt vii sterren in sijn rechterhant. Ende den enghel der
kerken Ephisi scrijft etc. Ephesus bediet ‘een groot val’ ende ‘mijn
wille’. De welke hi berispt in eenen deele, want si die eerste minne hebben
ghelaten, dat es deelinghe der aelmoesene in broederliker lieve,
maer dat hebben se dat si gods willen sijn, ende ondervonden hebben
die valsche apostolen ende sijn verduldich, ende dat si die sonden haten
ende die secte der Nicholayten. Sinte Clement seget dat die Nicholaus
een was vanden vii dyaconen die die apostolen ierst setten.
Die welke berispt was van sinen sconen wive, daer hi op andwoorde
dat hijt dede om sine nature mede te purgerene, ende so wie woude,
dat hise name. Van welken een quade secte wies, ende sijn noch die
valsche, vriebeestelike menschen die ledichlic harer valscer vriheit ghebruken
ende alle lust haers vleeschs, overmids welken si die edel vonke
der redene ende der godliker vermaninghen doden, also dat si gheen
eeuwich leven in hem ghevoelen noch en hopen toe te comene. Ende
sijn vervult harer quaetheit, want si gheene sonden en tellen; ende sijn
quader dan die viant, want si god niet en kennen; ende si sijn te male
onghelovich | ende die voerboden Anticristi. Daer hier inden boec
ende Johel, den prophete, ende anders den propheten vele af ghescreven
es, ende alle epistolen hebbender ons voren ghewarent ende haer
maniere be screven, ghelijc dat ghi te vele steden in desen boec ooc verstaen
moghet. Ende anders es de letter openbaer metten abite des menschen
sone voerseit, want hi es inwendigher allen dinghen dan enich
dinc hem selven ende dat hout des levens.
So wie oren heeft te horene, die hore, want die waerheit van binnen
spreect.
Ende den enghel etc. Smirma bediet ‘ghesanc’ oft ‘mirre’, dat es
doodinghe des vleeschs ende stervinghe in Cristo, alsoe u die text doet
verstaen.
Biden x daghen verstaet alle die tijt op eertrike toter doot toe, want
hi spreect: Wes ghetrouwe toter doot toe.
Ende den enghel der kerken van Pergamo etc. Pergamum bediet
‘deilinghe der hoornen’. So waer hoorne staen ghescreven, dat bediet
ghewout inden goeden ende inden quaden. Die deelre der hoornen sijn
B 88/9 cf. Hand. 6:5
2:1
2:7
2:8
2:10
2:12
63rb
V 88 Nicholayten: cf. Apok. 2:6. De Nikolaïten (Apok. 2:6, 15), een sekte waarover weinig met zekerheid
bekend is, hielden het toegeven aan lichamelijke lusten voor geoorloofd, omdat deze geen invloed zouden
hebben op de geestelijke staat van een mens. De uiteenzetting over de Nikolaïten in dit commentaar
is opmerkelijk lang en komt voor het grootste deel niet voor in de Expositio van Beda. Clemens van
Alexandrië († ca. 215). Een gedeelte van de navolgende toelichting staat in het origineel van Beda bij
Apok. 2:15.