Download pdf - Textualscholarship.nl

48
52
56
60
64
68
72
76
80
26 Beda, Expositio Apocalypseos 363
Ende was ghegort tot biden ii borsten, sijn betekent biden ii testamenten,
daer bi dat lichame der heligher kerken ende der helighen
hem ghenighet mede voet.
Begort inden guldenen gordele der godliker minnen om die borsten
der heligher ghedachten.
Dat hooft der heligher kerken es Cristus.
Ende biden hare verstaet sijn lede, dat ghelijc es witter wollen,
die hebbelic es alle veruwe des lidens tonfane, overmids welken si worden
blickende inder onsterflicheit, ghelijc den snee ghereinicht ende
gheclaert sijn.
Biden oghen verstaet den predikare die metten gheesteliken viere verlichten
de ghelovighe ende ontfanghen [ende ontfanghen] die onghelovighe.
Ende sijn voete, biden welken es te verstane dat die helighe kerke in
die leste persecucie overmids menichfuldicheit des lidens sal sijn ghelijc
den messinghe, dat in eenen bernenden scoorsteen wort ghepurgiert
tot dat gout claer wort.
Ende sine stemme, die stemme der beliïnghen, der predekinghen, des
loefs; als veelre watre, ofdwaende ende verclarende inder ghenaden
vele menschen.
Ende hi hadde etc. Die rechterhant Cristi es die helich kerke; die vii
sterren in menichvoldichliken dogheden dien clenen lichtende. Ende
uut sinen monde een zwaert op beiden ziden scerp, oordeelende sienlike
dinghen ende onsienlike | dinghen, die daer na dat hi heeft ghedoot,
macht heeft te sendene in dat ewighe vier.
Ende sijn aenschijn. Alsulc als ons heere hem vertoghede inden
berch sinen jongheren, alsulc sal hi hem toenen naden oordeele den
heilighen. Maer die quade sullen sien in wien si hebben ghesteken. Alle
dit abijt des menschensoens becomt ooc der heiligher kerken, met welker
Cristus een natuere es, haer ghevende priesterlike eere ende oordeelende
ghewout, ende dat si schinen ghelijc dier sonnen in dat rike
haers vader.
Ende doen icken ghesach etc. Vanden gheesteliken visioene bevede
menschelike natuere; die goedertierenheit des heeren verdrivet den
anxt.
B 69/70 cf. Luc. 12:5 71/2 cf. Mat. 17:1-9 73 cf. Joh. 19:37 76 cf. Mat. 13:43
V 48 ghenighet: elisie: ghe-enighet 74 abijt: ‘voorkomen’; cf. Gryson, 247, r. 81: habitus, ‘voorkomen’.
Abijt kan in overdrachtelijke zin hetzelfde betekenen; de gewone betekenis is ‘habijt, kleed’.
P 59 Voor ende is die doorgestreept en geëxpungeerd. 76 Na in is ghelijc geëxpungeerd.
1:14
1:15
1:16
1:17
63ra