Download pdf - Textualscholarship.nl

360 Het Wiesbadense handschrift folio 62ra-62va
20
24
28
32
36
40
44
48
die daer in ghescreven sijn, op dat u die text des boecs iet vruchtbaer
si gheestelike in uwer sielen.
Des es beloop vanden boeke also als Beda scrivet inder *prefacien
der expositien des boecs. Int eerste deel hoe dat sinte Jan ewangeliste
vertelt die maniere der openbaringhen der prophetien, die passie ons
heeren Jhesu Cristi, ende die toecomende glorie ten exemple der heligher
kerken ende te troosten inden toecomenden lidene, daer hi siet
een ghelijc des menschen sone vercleedt. In welken hi sonderlinghe
vertelt die dinghen die ghescien souden ende ghesciet sijn nader lettren
inden vii kerken van Asya, bi welken betekent sijn die vii state der heiligher
kerken daer si in es in deser werelt, ende hare worstelinghe in
hare verwinninghe, ghelijc als u die text seget. Inden anderen | deele,
als bescreven sijn die xxiiii ouderen ende die vier diere inden stoele
gods, so syet hi tlam gods op hebben ghedaen die vii inzeghelen des
ghetekens boecs, te openbaren die stride ende die verwinninghe der
heligher kerken toecomende. Daer hi nader *ghewoente des boecs toten
sesten ghetale die oorden houdt ende eer hi tsevende ghetal be -
ghint, so verhaelt hi weder ende besluut ten vii male die ii redenen.
Maer die wederhalinghe es te verstane sommels vanden beghinne des
lidens, sommels van mids der tijt des lidens, sommels alleene vander
lester persecucien oft een luttel daer voren. Ende dat es al uut sine maniere.
Ten derden male, so bescrivet hi onder die ghedaente der vii
enghelen singhende in die bosunen der kerken menigherande ghevalle
toecomende. Ten vierden male, bider figuren der ghebarender vrouwen
ende des draken haer persequerende, so openbaert hi der kerken
arbeit ende verwinninghe, ende eenen yegheliken ridderscap bewijst hi
haer love *daer der vii enghele woorde ende werken te gader werden
ghedacht, ende al en esser niet besceiden mentie af ghemaect, also daer
boven es. Ende in desen deele es vele na al tghetal behouden, mer sinte
Jan, in sinen ewangelien ende epistolen, en spreect hi niet lauwelike
noch met corten woorden, maer die een zin verclaert den anderen.
Also eest ooc in desen boec. Ten vijften male, overmids die vii enghelen
so stort hi in die werelt die vii leste plaghen. Ten sesten male, so
62rb
K 20 Hs. prophetien; waarschijnlijk een afschrijffout, onder invloed van hetzelfde woord iets verderop. Cf.
Gryson, 221, r. 4: praefationem. 33 hs. ghewete; cf. Gryson, 223, r. 16: consuetudinem 44 hs. door;
cf. Gryson, 223, r. 28: Ubi
V 20 Des: ‘daarom, derhalve’ 21 eerste deel: Apok. 1:4-3:22 29 anderen deele: Apok. 4:1-8:1 34 oorden
(ordene): ‘orde, rangorde’; cf. Gryson, 223, r. 16: ordinem 39 Ten derden male: Apok. 8:2-11:18
41 Ten vierden male: Apok. 11:19-14:20 45 mentie: ‘vermelding, melding’ 49 Ten vijften male:
Apok. 15:1-16:21 50 Ten sesten male: Apok. 17:1-18:24
P 31 inzeghelen: in- is aan het eind van de regel in de marge toegevoegd, met een verwijstekentje.