Download pdf - Textualscholarship.nl

20
1
4
8
12
16
20
24
28
32
19 20 21 | 22 Groetgebed tot Jezus Christus 353
souden. Dese ix poenten verswaerden dat liden ons liefs heeren Jhesu
Cristi. O lieve heere, nu bid ic u dat dese zware lidene ende pine die
ghi om minen wille gheleden hebt, mi, arme | mensche, te stade comen
moete. Amen.
[22 GROETGEBED TOT JEZUS CHRISTUS]
God gruete u, ghenadighe, ontfermhertighe, overvloiende heere Jhesus
Cristus, dat ewighe woort des vaders, ghebenedide sone der heligher
maghet Maria, lam gods, helich offerande, salicheit der werelt, woort
ende vleesch, fonteyne der miltheden.
God gruetu, heere Jhesus Cristus, lof der enghelen, glorie alre helighen,
bescouwinghe van payse, gheheel godlichede, warachtich mensche,
bloeme ende vrucht der moeder ende der maget.
God gruetu, heere Jhesus Cristus, kint des vaders, prince des pays,
dore des hemels, levende broot, openbaringhe der maghet Maria, vat
der godlichede.
God gruetu, heere Jhesus Cristus, licht vanden hemele, loon der werelt,
onse bliscap, der enghelen broot, der herten jubileringhen, coninc
ende brudegom des maghedoms Maria.
God gruetu, heere Jhesus Cristus, soete vleisch, warachtich der
waer heiden, onse loon, overste karitate, pays ende soethede, fonteine
der minnen, onse ruste, ewelike leven.
God gruetu, heere Jhesus Cristus, warachtich lichame, warachtichlike
gheboren vander reyner maghet Maria, warachtichlic ghepassijt ende
gheoffert anden cruce over den mensche, ende u ghebenedide zide doorsteken,
ende si vloyde van preciosen bloede ende van watere.
O soete Jhesus, ic bidde u dat ghi sijt ons voorspreker in die wile
van onser doot.
O goedertieren Jhesus, o ghenadighe Jhesus, ontfaet ons siele met
ghenadicheden.
O lieve heere Jhesus Kerst, verleent mi te hebben uwe gracie in allen
dinghen, ende mi, lieve heere, te betonen die oghen uwer miltheden,
ende altoos te leven in u ende te sterven in u.
O lieve heere, verleent mi goede verstandenisse in die wile mijnre
doot ende warachtich biechte ende oliesel mijns lichamen; ende lieve
heere, dat ic werdelike moet ontfaen uwen helighen lichame ende int
eynde mijnre doot dat ewich leven, ende int paradijs u, heere, te siene
ende | hebben ende te ghebruken ewelike sonder ende. Amen.
P 20 Amen: door hand 7 (textualis) op de regel tussen deze en de volgende tekst (59vb3) geschreven.
[22] Tekst geschreven door hand 3 (textualis). 29 oliesel: correctie door hand 7 (cursiva)
[22]
59vb
60ra