Download pdf - Textualscholarship.nl

350 Het Wiesbadense handschrift folio 59ra-59rb
108
112
116
120
124
128
132
136
140
Al hadde een man berou van sonden
ende reine in biechte ware vonden
ende penitencie hadde gedaen,
en[de] heeft hi caritas niet ontfaen,
so hadde hi roukeloos verloren
sijn meeste weldaet, als ghi moget horen.
Caritas, dats minne,
ende brinct ons iii graden inne.
Dierste es datmen sal
gode minnen boven al.
Dander onsen evenkerstijn
ghelijc ons selven minnende sijn.
Tderde vergheven alle scout
vrienden, vianden menichvout,
ghelijc als daer ghescreven is:
Sicut nos dimittimus debitoribus nostris.
Nu comt een vingherkijn
ende heet humilitas in tlatijn,
dat es in dietsche ootmoedicheit.
Wie daer toe wil sijn bereit,
sal den ghenensijn onderdaen |
dies macht boven hem es ghestaen.
Eenen anderen sijn ghelijc:
effen arm, effen rijc;
sal hi onderdanich leven,
sal vrede in hem beide wesen.
Want si twee effene machtich:
effen rijc, effen crachtich;
wil deene den anderen niet verdraghen,
daer wast onvrede of cranc behagen.
Die derde graet, dats den armen
sal hem ootmoedigen ende ontfermen
elc kerstijn mensche, daer doget es aen;
ghelijc god door ons heeft gedaen,
die anenam menscheit,
die wortel es der drievoldicheit.
O ghi mannen ende ghi vrouwennamen,
hier bi radic u allen te samen:
B 120 Mat. 6:12
V 126 es ghestaen: ‘zich bevindt’
P 137/8 De e in aen (137) en de tweede e in gedaen (138) zijn boven de regel toegevoegd.
59rb