Download pdf - Textualscholarship.nl

64
68
72
76
80
84
88
92
96
100
104
17 Vanden viere vingheren ende vanden dume 349
datsi willen sondighen morghen
als hem voer maels es ghesciet,
dien en helpt haer leven niet.
Want god sprac inder niewer ee
toten wijfken: Noli amplius peccare;
wilt niet meer sondigen in desen leven,
so werdt u uwe sonden vergheven.
Nu so comt een middelaer
tusschen gode ende den sondaer,
ende heet satisfacio.
Penitencie maect ons vro;
want dese vingher es i weinich
langher dan der ander enich:
sal penitencie sijn volcomen,
daer moet tijt toe sijn ghenomen;
berou ende biechte es sciere gedaen,
maer penitencie moet langher staen.
Dese can drie grade inbringen:
aelmoesen, vasten ende bedinghen. |
Aelmoesen en es niet alleene
datmen goet ghevet ghemeene,
maer dat herte metten goede.
Want daer staet, als ic ghevroede,
ghescreven in Proverbium:
Da michi cor tuum;
ghef mi dijn herte, sprac god claer.
Vasten en es niet voorwaer
datmen bi cleenre spisen leeft,
maer datmen anxt voor mesdoen heeft.
Bedinghe en es alleene niet
datmen den mont roeren siet,
mer die werken nader bede,
dats oetmoet ende salichede.
Nu coemt een vingher heet aldus
in latine medicus;
ende mach caritas wel sijn,
ende es alre doget medicijn.
Want sinte Pauwels heet geseit:
Wie hem hier toe niet bereit,
al sine doghet moet wesen cleene
jeghen caritas alleene.
B 68, 69 Joh. 8:11 88, 89 Spr. 23:26 102/4 1 Kor. 13
59ra