Download pdf - Textualscholarship.nl

348 Het Wiesbadense handschrift folio 58va-59ra
28
32
36
40
44
48
52
56
60
die dume heeten sal also.
Want de dume heeft ii grade
bi te climmen ter gods ghenade.
Dierste es anxt van binnen,
dat hi pense in sinen sinnen:
ic wille mi houden van sonden vri;
Inicium sapiencie est timor domini.
Dander graet van minnen coemt,
weder het scaet ofte vroemt,
als hi een sondich lijf wil leiden
dat hem mochte van gode sceiden.
Als hi hevet contritio
so climt hi in confessio.
*Index die een wiser sij,
een vingher staet daer vaste bi;
wanneer een sondare biechte seit |
so wijst hi ooc met ondersceit
den priester sijns selves mesdaet
op dat hem iet ter herten gaet.
Biachte heeft graden drie.
Dierste es vordenken datmen sie
hoemen tleven heeft gheleit.
Dander es warachticheit;
want wie in biechten loghene condicht
dat es onghebiecht ende ghesondicht.
Daer om seghet sinte Augustijn:
So waer die biechte recht sal sijn,
daer salmen die sonden nomen
metter waerheit volcomen
also verre alsmense weit;
want groten loon comt van scamelheit.
Ontfermicheit die derde zy.
Die wile men es der biechten bi,
salmen peinsen: Lieve here,
in wille sondigen nemmermere.
So es biechte recht gedaen.
Mer wi willen te biechte gaen
ende peinsen sonder sorghen
B 32 Sir. 1:20(16)
K 39 hs. Iudex
V 35 lijf: ‘leven’ 45 Biachte: spellingvariant van biechte 62 wi: spellingvariant van wie
58vb