Download pdf - Textualscholarship.nl

948
952
956
960
964
968
972
976
12 Augustijnken, Expositie op het Sint-Jansevangelie 343
dats: Quicumque vult salvus esse;
wie dat behouden wille sijn
vore dat drievuldich anschijn,
vore alle die werke diemen doet,
moet elc draghen in zinen moet
tghelove vander heiligher kerken.
Dats in deser wijs te merken
een god inder drievuldicheit,
in drieheit eene eeuwicheit;
niet ghescheiden men die personen ziet,
noch onghelijc van substancien yet,
maer elc persoen almachtich sy
ende maer een god almachtich vry.
Selc als vader, selc als soon;
die heilighe gheest, die derde persoon,
die es vader ende zone ghelijc; |
doch en es daer waer i vader rijc.
Niet iii soene, maer zone een;
niet iii heilich gheeste, maer i alleen.
In deser drieheit sonder beghin
es i god, meer no min.
Die godlike vader, als ic tone,
die es meerre dan die zone
inder menscheit, maer inder godheit niet.
Cristus die hem crucen liet
es god ende mensche menschelijc,
als ziele ende lijf redenlijc.
Nochtan en es godlike substancie niet
in menscheliker substancien gheminget yet.
Doe Cristus lijf ghecrucet waert,
die dode lichame gheopenbaert
bleef anden cruce ghehanghen doot.
Daer saghen levende broot
57vb
B 945, 946 Openingsregel van de Geloofsbelijdenis van Athanasius (in het Latijn: Symbolum Athanasianum
of Quicumque vult)
V 945/1000 Tekst gebaseerd op de Geloofsbelijdenis van Athanasius.
P 945 Links van de regel is een klein paragraafteken (C met dwarsstreepje) met nota toegevoegd. 961 en:
boven de regel toegevoegd, met invoegteken. 976 ghehanghen: hs. ghaehanghen, waarbij de a en e een
ligatuur vormen.