Download pdf - Textualscholarship.nl

384
388
392
396
400
404
408
412
416
12 Augustijnken, Expositie op het Sint-Jansevangelie 327
Hier omme, die heeft vleesch ende bloet
ende ghene penitencie en doet,
noch doen en wille na den sonden,
gherechticheit gaf die orconden
waer men die mach bescouwen,
sonder biechte, buten rouwen:
die wijstmen onder sduvels roede.
Want hadde die viant in bloede
ende in vleesche sijn ghedaen,
hi hadde langen tijt ghestaen
na penitencie hier te voren,
ende winnen dat hi hadde verloren.
Die ooc in vleesche ende in bloede zijn
ende houdent zuver ende fijn,
daer ment met zonden can gheproeven,
die climmen alle engle boven;
want vleesch ende bloet es becoort
in sonden weder ende voort.
Die dan die *sonden wederstaen,
moeten den englen boven gaen,
want die engle en hebben vleesch no bloet
daer men die sonde mede doet,
of datse ten zonden yet becoort,
want si ten hemele dan behoort.
Waer omme soude die mensche dan,
die vleesch ende bloet heeft an,
niet boven den englen gaen,
die de sonden wederstaen,
ende jeghen zijn becoren vechten?
Alse conincs kindere boven knechten
selen die goede menschen hoven
ende climmen den enghelen boven
met onsen vader int hemelrike.
Die enghele zelen willichlike
ons dienen ende wesen vro.
Gloria in *excelsis deo
selen si voer ons tafele singhen
B 418 cf. Luc. 19:38, 2:14
K 401 hs. sonder; cf. Blommaert, vs. 406: sonden 418 hs. Excelsus
V 413 hoven: ‘wonen, verblijf houden; bij een zeker hof behoren’
54rb