Download pdf - Textualscholarship.nl

156
160
164
168
172
176
180
184
188
192
196
12 Augustijnken, Expositie op het Sint-Jansevangelie 321
*consciencie, alse daer toe hoort.
Dit sijn der engle sinne vive,
in gheeste gheformeert, niet in live.
Bi desen vijf sinnen cracht
moesten zij comen in ghedacht
te hand doen si ghescepen waren.
Die haer denken lieten varen
in hoverden oft in sonden,
vielen doe ten zelven stonden,
selke in hellen, zelke in swerken,
selke inder lucht, het sijn te merken;
na dat haer gedacht waren sondich,
daer na waert hem vallens condich.
Lucifer ende sinen gheest,
sijn hoverde was alder meest,
dies viel hi inden hoochsten val;
des ghelike die andre al
vielen na misdaet der sonden.
Gherechticheit gaf dit orconden
inder mogentheit des vader. |
Maer want dese engle ader,
vleesch, been no bluet en haen,
so comet toe dat si niet staen
na penitencie, groot of clene.
Elc es een bloot gheest allene,
daer niet aen es te verhalen:
met hem selven moet hi betalen
die zonden die hy ye ghedede.
Maer of god zine ontfermichede
ane hem zal laten comen,
es mi verholen, hi en mach niemen doemen.
Die andere engle die dachten goed,
met reinen dogheden in haren moet,
die moeten goods dienaren bliven;
want wie soudse van daer verdriven?
Si en hebben vleesch no bloet,
daer men die zonden mede doet,
of dat si ten zonden worden becoort.
Om dat si niet en brochten voort
dan eenen gheest die niet mach sterven,
en mochten si dan eenewerven
wel ghedoen noch zonden pleghen,
daer hem lone ane was gheleghen,
53ra