Download pdf - Textualscholarship.nl

56
60
64
68
72
76
80
1
4
8
10 | 11 Passiegebed 315
Ay hemelsce vader, mi comen alle goede ghiften ende volcomene
gaven van u. Nu biddic u dore u miltheit, dat ghi mi, crancke mensche,
gheeft te wederstane alle overdaet die mi middelen mach van
uwen liefsten wille, ende gheeft mi inwendeghe wijsheit, dat ic mijn
leven ende minen tijt in allen doegden wiselic regeren moet, ende i
milde vloeiende herte in ontfermicheit, ende een sachtmoedich ghedachte
in uwer werdicheit.
Ay goedertieren gods zone, nu senckic mi in u diere doet, ende in
dat minlike herte bloet, ende in dat opghedaen herte, ende in alle die
minlike teekene die van u ghewracht worden, ende in al die ermoede
ende versmaetheit die ghi van minnen leden hebt. So begheric, lieve
heere, dat alle mijn leven eene vruchtbareghe offerande sijn moet
uwes loefs ende eene claerheit uwes willen.
Ay heere Jhesu Criste, ic biddu om die gloriose opverstannisse,
ende om die trouwe uwes godlikes vader, ende om die godlike minne
des heilichs gheests, dat ghi mi ontfaet int ghetal uwer uutvercorender.
Ende gheeft mi, heere, uwe eeweghe benedixie, ende doet mi
op den dieren scat uwer godliker caritaten, ende spijst mi met den
brode des verstannissen ende metten rade des heilichs gheests, ende
drenct mi metter fonteinen der levendre watre uwer eewiger jubilacien
ende metter hemelscher melodien uwer godliker contemplacien.
Ende gord mi, heere, metten gordele uwer godliker trouwen, ende
vest mi, heere, metten vingherlinc der afghesceedenheit uwer eeweger
sekerheit, ende chiert mi, heere, metten hemelschen cleede uwer eeweger
glorien ende godliker zalicheit.
Dat verleene ons die godlike mogentheit des vaders, ende die ewe -
ghe wijsheit, onse heere Jhesus Cristus, sinen eenborenen zone, ende
die begerlike minne des heilighen gheests. Amen.
[11 PASSIEGEBED]
Dit ghebet maecte die tweentwintichste paeus Jan, ende gaf elken
mensce die met berouwe alle siere zonden in die jeghenwoerdicheit
des heilichs sacraments lase, also menighen dach aflaets als ons
heere Jhesus menich wonde hadde, dwelke waren V m CCC XXV
wonden, beteekent | in dese veerse: X bis, V, ter C, quibus addas milia
quinque; tot fertur Cristus pro nobis vulnera passus.
Ghenadeghe, goedertieren heere Jhesu Criste, ic biddu dore die grote
minne daer ghi dmenschelike gheslachte mede minnet doen ghi,
hemelsce coninc, hinct ane den cruce met godliker minnen, met
V [11] 1 die tweentwintichste paeus Jan: Paus Johannes XXII (1316-1334)
[11]
51vb