Download pdf - Textualscholarship.nl

36
40
44
48
1
4
8
12
9 | 10 Gebed 313
veinsen, hem te sochte met woerden ende met werken sonder ide -
lec mi te verheffene of te beroemene. Maect mi ghehoersam sonder
wederseggen, verduldich ende verdrachlijc sonder murmeren ende wedercroninge.
Mijn god, gheeft mi i wacker herte dat gheen idel, sorchhertich
ghepeins van u en leide. Gheeft mi i onverwint herte dat gheen
liden noch dogen en vermoeye noch en verdrucke. Gheeft mi i edel
herte dat gheen geweldeghe, quade ghenoechte en vercrachte noch en
vercrighe. Gheeft mi een gherechte herte dat gheen slinke meeninghe
noch becoringhe en bedrieghe. Gheeft mi, mijn alder soetste god, een
verstaen u te kennene, erensticheit ende minne u te soekene, wijsheit u
te vindene, heilich leven ende eersam wandelinge u mede te behaghene,
volstandicheit uwe toecomst ghetrouwelijc tontbeidene ende i
minlijc betrouwe uwe zalicheit mede tomhelsene. Mijn goedertieren
heere Jhesu, gheeft mi uwer dierer passien ende pinen *toeghevoecht
ende medevormich te wesene met penitencien, uwer gaven te orboren
in gracien, uwe bliscap te ghebruikene overmids uwe glorie. Die leeft
met gode den vader in eenicheden des heilighen gheest van eewen
teeuwen. Amen.
[10 GEBED]
►Eene goede bedinghe◄
O hemelsce god, vader, heere alre creatueren, ic neighe ende valle vore
u als i besondicht mensce ende claghe met innicheit mijns herten dat ic
uwer werdicheit so luttel gheacht hebbe ende uwen lof met so cleinen
vlite beghert hebbe.
Ay heere, dat ic u van al den gaven die ic van u ontfaen hebbe met
gronde mijns herten ende met alle minen crachten niet ghedanct en
hebbe noch gheloeft.
Ay goedertieren vader, ontfermhertighe heere, ic kenne mi laeu
ende traghe in doegden, onnutte|lijc in goeden werken, onghestadich
van wille, cranc van natueren, gheneicht tot ghebreke, dat ic dat beelde
van miere zielen niet puer noch zuver ghehouden en hebbe, uwen
wille of uwer maningen dicke onghehoersam ben, ende den edelen tijt
onnuttelijc verdaen hebbe.
K [9] 46 hs. toe ghenoech
[10]
51rb
V 35/6 wedercroninge: ‘tegenstribbelen’; niet in MNW, verwant met wedercronen: ‘tegenspartelen, tegenpruttelen’
P [10] 1 De titel is in een latere fase in de vrij gebleven ruimte toegevoegd door hand 7 (textualis).