Download pdf - Textualscholarship.nl

312 Het Wiesbadense handschrift folio 50vb-51rb
1
4
8
12
16
20
24
28
32
[9 PS.-THOMAS VAN AQUINO, CONCEDE MIHI, MISERICORS DEUS,
MIDDELNEDERLANDS]
Dit ghebet maecte ende plach te lesene die heilighe, vercorene leerare
sente Thomaes van Aquinen, vander predecaren oerdenen.
Ic bidde u, heere, dore u ontfermherticheit, dat ghi mi verleent al dat
u behaghelic es erenstelijc met heeter minnen te begerne, vroedelijc
tondersoekene, ghewaerlijc te bekennene ende volcomelic te volbringene,
te love enter glorien dijns namen. Oerdeneert, heere, den staet
mijns levens, ende gheeft mi oec dat ic wete, wille ende vermoge al dat
te volbringhene dat ghi van mi ghedaen wilt hebben; ende gheeft mi
dat te vervolghene also alst behoerlic es ende orborlec es miere zielen,
mijn wech, heere, toet di seker, recht ende volcomen, niet brekende in
voerspoede noch in wederspoede; dat ic in voerspoede u dancke ende
love, ende in wederspoede verduldich blive; dat ic mi in voerspoede
niet en verhoverde noch en verheffe, noch in wederspoede niet en be -
droeve noch en bedrucke. Verleent mi, heere, van gheenen dinghen te
verblidene dan dat mi vorderlec es tot u, noch te bedroevene dan van
dien dingen die mi afleiden van u. Verleent mi, heere, dat ic niemen en
begere te behaghene dan u, noch en vreese te mishaghene dan u. Alle
verganclike dinghen moeten mi verleeden, heere, om u, ende alle die
dinghen die u toehoren moeten mi genoeghen ende ghelieven, ende
ghi, heere god, selve boven al. Mi moet verdrieten die bliscap die sonder
u es, ende gheen dinc en moetic begheren buten u. Dien arbeit die
om u es moet mi ghelusten ende ghelieven, ende alle raste die in u niet
en es moet mi verdrieten. Gheeft mi, heere, alre soetste god, mijn herte
heetelic te rechtene tote u, ende om mine ghebreke met rouwen te
pensene, | met volcomenen wille te beterne ende te hoedene. Heere,
mijn goedertieren god, maect mi oetmoedich sonder gheveinstheit, blide
sonder onghemaniertheit, rijpmoedich sonder swaerheit ende
wreetheit, droeve sonder bedructheit, snel ende tangher in goeden
werken sonder onghestadicheit ende idelheit, ghewarachtich sonder
valscheit ende tweevuldicheit. Gheeft mi, heere, u te vresene sonder
wanhopen, in u te hopene ende doegdelijc te werkene sonder hoverde
of verheffen uut verwanen, minen evenmensce te berespen sonder
V [9] 18 verleeden: ‘tegen staan’; cf. te lede werden of leet werden: ‘tegenstaan, afstoten’ 27 rijpmoedich:
‘ernstig, bezadigd’; niet in MNW; cf. ripe en geripe met vermelding van rijpmoedigh (severus) 28 tan -
gher (tanger): ‘flink, koen, krachtig van lichaam en geest’
P [9-11] Tekstjes geschreven door hand 1.
[9] Tekst en opschrift geschreven door hand 1. De tekst begint na een witregel met een binnen de tekstkolom
geplaatste vijf regels hoge rode lombarde I.
[9]
51ra