Download pdf - Textualscholarship.nl

640
644
648
652
656
660
664
668
672
676
7 Jean Gerson, Miroir de l’ame 309
te sine ende gheert te sine, ende ghi hebt mi de contrarie gheboden
ende bevolen.
Dander waerheit es: Heere, ic hebbe goede meeninge ende begerte
mids uwer hulpen mi voerd an te hoedene van zonden, ende ic sal mi
pinen | ende poghen te scuwene ende te verdrivene de occusune van
zonden.
Die derde es: Heere, ic hebbe goeden wille te biechtene gheheellic
alle mijn zonden ten tide ende stonden na dat ghi ende uwe heilich kerke
heeft bevolen.
Te wat stonden ende te wat steden die zondare seit dese iii waerheiden
gode in zuveren consiencien ende sonder lieghen, hi mach weten
voerwaer dat hi es in den staet van zalicheden ende van gratien, al
haddi ghedaen alle de zonden vander werelt, ende sijn sine werken van
weerdden om te verdienen dat eewich leven, storve hi in dien staet
sonder enich ander biechte ofte haestelijc, slapende ofte overmids fauten
van priesters, hi soude behouden worden, maer hi soude liden sijn
pine int vaghevier die hi om sijn zonden verdient hadde, dwelke vaghevier
es een stede van swarer ende scerper droefheit. Waerbi eest een
herde goet raet dat eens ofte tweewerf sdaegs savons ofte smorghens
ofte ten minsten sheilich da ghes, dat i mensche te hem selven comme[n]
ende besie ofte hi mach segghen dese iii waerheden, dat hi mach
sijn in stade van gracien ende ute dies viants hande.
Ende eest dat sake dat hi die niet en mach ofte en wilt segghen – ofte
overmids dat hi heeft wille noch zonde te doene ende daer af hem verblijdt,
ofte om dies wille dat hi niet en wilt scuwen ende verdriven de
occusoene van sinen zonden, ghelijc sijn de ghene die hare zonden helen
in hare biechte ende daer in rechte voert bliven haren woekeren
ende valschen comanscepen te antierne, ofte die houden in harer herten
haet ofte nijt of wille van wraken deen ten andren waert, ofte die
niet en willen wederkeeren ander liede dinc –, si moghen weten voerwaer
dat gheen prelaet en es, noch selve de paeus, diese mochte ofte
sculdich ware te abselverene. Al es dat sake dat men sulken lieden wel
raet gheeft dat si bi hem selven ende bi andren altoes den goeden werken
die si selen moghen, dats se god bekeere ende haer herte gewege in
doegden. Ende en es gheen so clein goet werc, god en lovet wel; ende
beter es enich goet werc dan ne gheen, ende staphants ghedaen dan
meer te beidene, ende houden goede costumen dan die te brekene ende
die altemet te verliesene sonder daer toe weder te keerene.
Septimum decimum capittel |
Ende als comt de tijt datmen gaet te biechten – dats te alder minsten
V 670/1 den – moghen: ‘het goede doen (werken) waartoe ze in staat zijn’
50ra
50rb