Download pdf - Textualscholarship.nl

564
568
572
576
580
584
588
592
596
7 Jean Gerson, Miroir de l’ame 307
ende so vele meerder so die persone naerder van gheboerten, van
maech scapen van eenen gheslachte ofte van religioene, ofte man ende
man, ende wijf ende wijf. Ende noch quader es alsmen niet en houdt
thamelicheit die men sculdich es te houdene ende pleecht openbaer.
Ende so wie dat iemene vercrachten wilt in deser manieren, het si cleine
het si groet, hi es hem sculdich te werene ghelijc dat hi doen soude
om sijn lijf te behoudene, het si met roepene met woerden of met werken,
ende segget den ghenen die hem moghen ende sculdich sijn daer
af te hoedene, anders en heeft hi sijn eere niet lief noch sijn reinicheit.
Quartum decimum capittel |
Dat tiende ghebot es: Du en suls niet begheren ander liede goet.
Ende dat es te verstane ghelijc den sesten ghebode, dat diefte ghebiet
na der manieren vorseit int neghende ghebot, want die quade wille es
geacht vore dwerc. Ende bi deser quader begerten valt een mensce dicwile
in hate ende in nide ende in onghedoechsamheden van sinen state,
ende in murmuracien jeghen gode ende quaet van hem te sprekene,
want hem dunct dat hi bat verdient heeft dit goet of datte dan sijn ghebuer
of een andre, ende hem dunct dat hem god groet onghelijc doet
ende dat hi sot es die hem dient. Ende daer omme, alst eenen andren
misvalt of als hi scade behaelt, so verblijdt hi hem daer af ende seit dat
hijs wel werd es, ende dat hem god selve liet ongheval gheschien, overmids
sijnder quaetheden die niet gheheelt en mochte bliven.
Te deser zonden hoert toe zonde die men doet van laten te doene
werke van ontfermherticheden gheestelijc of vleescelijc, ghelijc dat es
niet bi te stane den ermen als sijs openbaren noet hebben, als i wel
heeft waer mede dat hi hem bistaen mach, ende sonderlinghe als iemen
laet scamelike sinen vader ende moeder broet bidden ende goede dienaren
gods laet sterven van hongere, ende als iement onthout sinen
dienaren ende die hem erbeiden hare hure ofte haren loen, ende als iemen
*ondere gedaenten* van goeden ghewerken, als van capellen te
stichtene ofte aelmoesenen te doene ofte andere dinghen dier ghelike,
iement onthout anders goet qualeke ende tonrechte, segghende dat hi
te rijc es ende dat hi niet wert en es dat te hebbene, ofte dat qualic bestaet
es aen hem ende dat hijt qualic verteren soude. Want men houdt
vore i ghemeen reghele dat niement sculdich en es te doene zonde
noch goeds gebode te brekene, wat goede in de werelt datter hem of
andre af comen mochte of wat quade ter werelt te belettene.
K 591 Hs. onduidelijk, maar lijkt op oudere gedienten; cf. Ouy, 43: soubz umbre de bien...
49va