Download pdf - Textualscholarship.nl

306 Het Wiesbadense handschrift folio 49ra-49va
528
532
536
540
544
548
552
556
560
dat versweren datmen doet vore den rechtre, dats te segghene in de
vierscare, es een poeint dat van spaeus weghen es georloeft den bisscoppen
alleene te absolverene.
Hier doen zonde de ghene die in haer biechte haer sonden helen
ende die ongherechtelec ende qualeke andre wroeghen. Hier nemen
occusoen sonde te doene die gheerne quade nimaren ende quaet horen
spreken van andren, overmids den welken si gheven alte lichtelic vonnisse
van ander lieden quaetheit ende worden wantrouwele, | ende te
lichtelic sonder redene, quaet wevende van hem lieden alse van quader
vleescheliker minnen begheerten ende diere ghelike, ende si oerdelen
sottelike van andren ende keerent in quaet al dat si doen, ende doen
ondertiden den andren persecucie tonrechte overmids haren sotten
ghelove.
Tercium decimum capittel
Dat neghende ghebot es: Du en suls niet begheren ander mans wijf;
ende dies ghelijc, een wijf en sal niet begheren ander wijfs man.
Ende hier es princepalec verboden alle maniere daer men iemene in
zonden met trect of om zonde mede te doene van oncuischeden, eest
bi brieven of bi boden, eest met dreegene of met ghiften, mieden of beloften;
eest met loghenen, eest met smeekene, eest met vercieringhen
van cleedinghen, eest in oncuisscen aensiene, gaende of sprekende, oncuisscelec
ende sottelec aentastende. Ende es te wetene dat tvolle consent
om dwerc van oncuischeden te volbringhene ofte alleene daer toe
wille es doet, ende al es dat sake datter dwerc niet na en volgt.
Want hier es waer die regule seit dat de quade wille es gherekent vore
tfeit. Ende hier moghen meerder zonde doen ghehuide liede dan buiten
huwelike, als i gehuit wijf gheselscap hebbende met haren man begeert
eens ander wijfs man, ofte i man gheselscap hebbende met sinen
wive begert eens anders mans wijf. Die ghene oec die bi vulen consente
houdende sijn quade vleescelike ghepense om daer in ghenoechte te
hebbene, al souden si dwerc niet willen doen, segghen eenich leeraers
dat dootsonde es. Hier *siet dat alle kussingen, aensienten, tastingen
ende handelingen, comende principalec van quaden, onkuischen wille
ofte begeerten vorseit, sonder ander werc noch meerre sonden zijn,
49rb
K 541 Bij deze en enkele van de navolgende hoofdstukaanduidingen is het rangtelwoord in Romeinse cijfers
op ‘Latijnse’ wijze afgekort, dit nummer wordt evenwel gevolgd door het voluit geschreven Middelnederlandse
woord capittel. 551 hs. doet; cf. Ouy, 39: est pechié mortel 559 hs. seit; cf. Ouy, 41:
veés
V 536 wevende (weven): ‘beramend’; geen parallel in de brontekst 559 aensienten: ‘blikken’; niet in
MNW, vermoedelijk hetzelfde als aensichte, in de betekenis van ‘kijken naar’; cf. Ouy, 41: regars