Download pdf - Textualscholarship.nl

492
496
500
504
508
512
516
520
524
7 Jean Gerson, Miroir de l’ame 305
den was wilen ende vloeide die diluvye, ende die stede die men heet
Sodoma en Gomorra waren te gronde ghedestrueert met den hemelschen
viere, ende de ghene die daer in woenden vielen levende in de
helle. Ende overmids desen zonden de welke roept wrake aen gode,
comen hongere ende breke van lijfvoetsele, stride ende werringen,
sterften, vernielten ende verlies van lantscapen, ende andre grote plagen
ghelijc dat die scriftueren seggen.
Principale boete jeghen dese zonden ende andre sonden van onkuischeden
es soberlec te levene, scuwen quaet gheselscap ende ledicheit,
| ende met staphants te keerene van sier herten ende te verdrivene
quade ghepeinse als si int herte comen ofte sijn. De welke machmen
doen met hem staphants te keerene te gode waert, hem te biddene ende
onser vrouwe, ende eenegen santen of zantinnen, datse hem willen behoeden
van selken zonden; ofte dat een mensche elder om pense, ofte
dat een mensce hem selven eenich pine ofte arbeit van lichamen aen
doe, ghelijc dat die ghene dede die sijn tonge beet, spuende ende segghende
zijn dese vleescheliker temptacien ofte becoringen: Tfi, tfi, tfi
van sulker vullicheit ende van di, viant, die du mi presenteert ende
voertbrincs.
Vele andre manieren sijn in die zonde van oncuischeden, na meni -
gherande ende versceedene ofte menichfuldighe state van lieden, ghelijc
dat es van moedere, van maechscape, van gheesteliken personen
ende van religioene, of van maegden ende wedewen, ofte alsere cracht
tusschen comt, ofte alse de persoen wort geset ende bracht in sulken
staet dat hi nemmermeer wel en doet noch eere hebben en sal, ofte hi
sal sijn kint doden sonder doepsel ofte hem selven, ofte i groet staet sal
daer mede zijn ghediffameert, qualec vernaemt, ondeert, ontset. Ondertiden
ghevoelt hem i mensce slapende van deser zonden, maer de
vrese es als van te voren ofte daer na behaecht wakende tfeit dat gheviel
slapende.
Duodecimum capittel
Dat achtende ghebot es: Du en suls niet valsch ghetuighe dragen.
Hier es verboden alle maniere van lieghene ende sonderlinghe dat in
yemens scade ofte deren valt. Ende noch meerre zonde eest alsmen
daer toe eet doet, want dat versweert men hem, de welke men es niet
sculdich te doene, ja om te verlossene vander doet eenen mensce, ende
al waert in vonnissen van rechte vore den rechtre of daer buiten. Ende
V 495 lijfvoetsele: ‘levensonderhoud, voedsel’; niet in MNW, in betekenis gelijk aan lijfvoedinge 496 vernielten
(vernielte): ‘vernielingen’; niet in MNW, in betekenis gelijk aan vernielinge 507 Ouy, 37: Fi, fi, fi
P 519 vrese: tussen v en r is een i geëxpungeerd.
49ra