Download pdf - Textualscholarship.nl

304 Het Wiesbadense handschrift folio 48va-49ra
456
460
464
468
472
476
480
484
488
segghen de contrarie es dolinghe in ons ghelove. Hier, alse wel als in
huwelike als daer buiten, es verboden alle maniere van oncuiscen handelingen,
in de welke men niet en houdt noch en huedt de ordenancie
ende die maniere ende die lede de welke natuere heescht ende ver -
draegt om kindre te winnene. Ende also vele eest quadere so een men -
sce meer jeghen de ordenancie der naturen doet ofte gaet in dier wijs,
het si buiten huwelic of daer binnen – dat quadere es – hem selven te
handelne of te tastene ofte andre persone ofte beesten, met vulen ende
eiseliker quader ghenuechten; ende onscaemlec ende specialec eest dat
sake dat es om te beruerne ende ofte te volbringhene die alder vulste
ghenoechte, aldere onscamelicste ende alder verdoemelicste vulheit,
diemen heet morwicheit of besmettinghe.
Ende die misdadich es in dese zonde, hi mach genoech weten wat
men verstaet | met deser manieren van sprekene. Want anders en es
men niet sculdich dese zonde specialic te ontdeckene buten biechten,
dese vulheit ende gruwelijc besmetheit, om dat suvere horen ende onnosele
niet en moeten qualic geleert sijn ende ten quaden zeden ghesticht.
Ende sijn vele selke saken, selke puinte houden de prelaten ende
bevolen daer af te absolveerne ofte haren penitencieers, daer simpel
priesters niet en mogen af absolveren, ten si uten bevele van haren
oversten. Ende dese zonde es te pinene metten brande na de wette.
Ende die dese zonde niet en biecht na dat hi mach openleke ende
claerlike so dat die biechtheere ghenoech versta, hi mach seker sijn dat
hi nemmermeer en sal worden behouden, al waert dat sake dat hi alle
de goede gewerken dade vander werelt. Wat scamelheden in de werelt
dat es dese zonden te biechtene, vele scameliker eest die zonden te
doene dan te seggene ende sonderlinghe in biechten.
Met deser zonden sijn bedrogen eenege, ofte alleene om anders
quaetheit die si bringhen te deser sonden, ghelijc dat ondertiden bedroghen
sijn enege jonghe, onnosele kindre ofte lieden, ofte overmids
ledicheit, ofte overmids overtolleghen dranc ende alte sterken wijn te
drinkene, of te vele te etene ende heete spise, of bi sotten woerden ofte
sotte clappinghen, ende bi sotten aensiene langhe ghehouden, of met te
vele te peisene ane tfeit van gehuden lieden, of met wenscene sulke
vleeschelike vergaderingen ofte verboden versameningen, ende ondertiden
bi quader gheleerten die vader ende moeder, dieners, maerten
of meesters den kinderen gheven ofte leeren die onder hem wonen of
op ghehouden sijn, ofte om hare puere quaetheit. Overmids deser zon-
48vb
V 464 morwicheit: ‘weekheid, zachtheid’; bedoeld is onanie; cf. Ouy, 35: molesce besmettinghe: cf. besmettenesse,
‘onreinheid’; bedoeld is onanie; cf. Ouy, 35: pollucion 473 metten brande: ‘met een brandmerk’;
cf. brant: ‘brandmerk, ook als straf voor misdadigers’; cf. Ouy, 35: punir par ardoir selond les loys
488 maerten (maerte): ‘dienstmaagden, dienstmeisjes’