Download pdf - Textualscholarship.nl

300 Het Wiesbadense handschrift folio 47va-48ra
304
308
312
316
320
324
328
332
336
340
Hier in doen zonde de ghene die misprisen de ghebode vander heiligher
kerken ende daer niet omme en rueken – ghelijc dat sijn verwatenissen
–; ende van gheboden vastendaghen, als men die brect sonder
redene, dats te weten, als men wel vasten mochte sonder hem te hinderne;
ghelijc oec dat es met foertsen te brekene die vriheit der heiliger
kerken, ende die hare ghegeven es meer ter eeren gods dan om haer lieder
wille diese verleent es. Ende om tquade leven van enigen en es een
goet kersten niet sculdich te sine contrarie den state van prelaetscape
ochte van clergien, noch die te lachterne of te verminderne of te persequerene.
Hi en es oec niet sculdich laten te doene dat hi sculdich es te
doene, alse misse te horene ofte te betalene sijn tiende ende offerande,
ofte andre gheoerdeneerde rechte om dleven ende dophouden der lieden
vander heiliger kerken, die allen lieden dienen, ministrerende die
heilighe sacramente ende den dienst gods doende, want alle liede daer
toe niet verstaen en mogen overmids haren tideliken belette. Die aldus
doet, hi dient gode ende quijt hem. Dat heilighe doepsel ende die messe
ende andre sacramente en[de] verliesen hare virtuit niet om tquade
leven vanden ghenen diese amministreren. |
Hier doen zonde die wederproeven alte lichtelijc dordenancien vanden
werliken princen ende tghene dat si doen, want si hebben vele grote
laste te draghene de welke tghemeene volc niet weten en mach noch
en es sculdich te wetene. Ende daer omme en sijn si niet sculdich te
lichtelijc te vonnisse ofte te begripene; si liede sullen daer af gode rekeninghe
gheven.
Hier doen zonde de ghene die niet en willen horen ofte gheloven raet
van haren oversten ende vanden ghenen die wiser sijn dan si, maer willen
al na haer hoeft doen. Ende si vinden hem ghemeenlic be drogen, het
si in feite van consiencien het si eldre, want het es grote hoverdicheit ende
ongehoersamheit ofte onweerdicheit; ofte dat hem i mensce acht onder
andre so heilich sijnde dat hi gheens menscelics raeds noet en heeft, waer
bi hi comt teenen quaden einde, ghelijc dat es in ombesceedenen vastene
ende sothede van hoefde of andre ongeval.
Nonum capitulum
Dat vijfte ghebod es: Du en suls niet doen doetslach.
Ende dats te verstane, uut dijns selves machte noch van dijns selfs
eighenen wille, sonder den wech van rechte te houdene.
In dit ghebot es verboden alle quade hate ende hatie ende begerte
van wraken van anders doet, ende oec van andre quaden rade ende
quaden consente om eenen andren te scadene, te niderne, hem slaende
47vb
V 303/4 ghelijc dat sijn verwatenissen: ‘zoals kerkelijke banvloeken’ 306 met foertsen (fortse): ‘met geweld,
kracht’