Download pdf - Textualscholarship.nl

268
272
276
280
284
288
292
296
300
7 Jean Gerson, Miroir de l’ame 299
om te doene dat vorseit es, ende hem te leerene den wech van zalicheden.
Want dat achter te latene en es gheen clein ghebrec.
Boven dese dinghen mach men wel nemen eenich vermaken ende
solaes ende eersame spele meer dan op andre tiden, maer dat hem i
mensce altoes hoede van doetsonden, het si spelende, drinkende, het sij
danssende. Wel es nochtan waer dat selke solase zelden ghescien sonder
grote zonde, gelijc dat sijn versweerten ende sceldingen, twiste
ende quade vleescelike begerten, woerde ofte werken ofte oncuische
liede jeghen gode ende jeghen redene, dat ondertiden mindere quadere
ware de kerre te mennene inden velde dan also te doene.
Hier doen zonde die ghene die predicacie ofte andren dienst gods
met woerden of met werken beletten in de kerke of daer buiten, ende
die den heiligen sacramente vanden outare niet sulc eere en doen also
men sculdich es te doene, ende oec den andren sacramenten; ende de
ghene die bespotten dat heilich sacrament vanden priesterscepe ofte
huwelec, ofte cleine achten ofte misprisen dat sacrament des vormsels
ofte des heilichs olisels. Hier in besondegen hem grotelec de ghene die
in sekeren hoghetiden van den jare hem houden ende dragen herde onghemanierdelijc
in de kerke, ende doen gruwelike | ende eiselike oneersamheden,
ende die ghene die daer toe gheven consent ende die
ghene die na hare officie ende hare macht dat niet en beletten; ende en
sijn niet onsculdicht dat mar spel en es, want men seit, ende het es
waer, dat men niet en sal quetsen met spele tghelove, oghe noch goede
vernaemthede.
Octavum capitulum
Dat vierde ghebot es: Du sels eeren vader ende moeder.
Dats te verstane beede van vleeschelike vadere ende moedere, ende
van prelaten vander heiliger kerken ende van prelaten ende van onsen
meesters, ende vanden ghenen die ons goet doen, ende vanden werleken
princen, ende oec van den ghenen die doet sijn, also verre als wi
sculdich sijn vore hem te biddene ende hem te helpene.
Hier doen zonde de ghene die sonder redene quaet spreken van haren
oversten, ende diese vermalendien ende haren goede name nemen
ofte vermindren, ofte haer doet wenscen, ofte diese verraden. Onder -
tiden die ongherechtige oere begheren dat haer vadere ende moedere
ofte andre ouders doet waren, om haer goet te hebbene.
47va
V 266/7 den wech van zalicheden: is de vertaler geïnspireerd door Wech van salicheit? De brontekst geeft
in ieder geval geen aanleiding tot deze frase: Et doit on enseignier ses filz et ses filles et serviteurs et aul -
tres qu’on a en gouvernement a ainsi faire, car le lessier n’est pas petit default. 274 liede (mv. van liet):
‘liederen, gezangen’; cf. Ouy, 22: chansons 293 Het woord prelaten (2x) vertaalt twee verschillende
Franse termen (Ouy, 25): ...tant des parens charnelz comme des prelas de saincte eglise, et de nos curés et
de nos maitres... 300 oere (mv. van oor): ‘erfgenamen’; cf. Ouy, 25: heritiers