Download pdf - Textualscholarship.nl

298 Het Wiesbadense handschrift folio 47ra-47va
228
232
236
240
244
248
252
256
260
264
die si gode of sinen heiligen beloven, ende die breken hare trouwe des
huwelics, ende die qualike trouwe behouden den andren, openbarende
dinghen die si ontfaen hebben van hem in heimelicheden te haren
groten achterdeele, het si in biechten of daer buiten. Want na recht der
natueren ende der scriftueren es men sculdich heimelic te houdene datmen
in heimelicheden, om dat te helene, ontfaet, eest dat sake dat anders
niet en es gheweten. Hier doen zonde die sweren of gheloven
gode ende sinen heiligen ofte andren dinghen die van hem selven quaet
sijn ofte die welke te houdene sonde ende quaet es, ende noch meer
hem besondeghen selken dinghen ende selke gheloften te volcomene te
houdene of te volbringene.
Septimum capitulum
Dat derde ghebot es: Du suls vieren de zondaghe ende de heilighe da -
ghe die gheboden worden vander heiliger kerken.
Ende dits te verstane in meniger manieren. Inden iersten, de ghene
die niet en hebben suffisant beletsele, sijn dan sculdich te horene geheel
messe. Daer na, men es sculdich af te latene uutwendege werken
ende comanscapen van labuere ende van alranden uutwendeghen ambochten,
na de goede usagie enden costume des lants daer men in es;
de welke costumen die prelate vanden steden wel weten ende ghedo -
ghen sonder verbieden, ende in twifeleken poenten hier ende eldre es
die mensce sculdich raet te vraghene, dat hi niet en si in vreesen van
dolene ende van misdoene alte gheruime | of alte inghe consiencie makende.
Voert, men es sculdich dan te peisene om sine consiencie ende
om sijn leven ende om sijn zonden, om daer af te biddene vergheffenisse
ende pardoen van gode; ende men es sculdich te bekennene tgoet
dat god ons verleent, om hem daer af te lovene ende te danckene, niet
dat men gode in hem selven daer mede enich goet doet. Men es sculdich
dan te horene dat woert gods ende sine leeringe na datmen doen
mach, sonder afsceeden, dat niet beletten noch deren in spotte noch in
sceerne. Men es sculdich te peisene om sijn doet ende om de helle ende
om dat hemelsce paradijs, om dleven vanden zanten ende zantinnen,
segghen sinen pater noster ende sine gelove, doen penitencie, gode versoeken
biden middele van zanten ende zantinnen, also arme bedelaers,
biddende die almoesene vanden geestelikene goede nu ane den eenen
nu ane den andren nerenstelike, tote diesmaels dat wi iet ghecrighen in
onsen sac van ermoeden. Ende men es sculdich te leerne ende te wisene
sijn kindere, sijn dieners ende andre die hi in sinen regemente heeft,
V 231 achterdeele: ‘nadeel, schade’
47rb