Download pdf - Textualscholarship.nl

196
200
204
208
212
216
220
224
7 Jean Gerson, Miroir de l’ame 297
Desen ghebode es dicwile contrarie die eere die men den heeren
ende den vrouwen doet bi fladderien ende te quaden inde, ende oec
alle ghevensthede ende ypocrisie diemen doet om te hebbene den idelen
lof vander werelt ofte om andren te bedrieghene; ende oec te seere
te minnene sine kindre ende gout ende zilver ofte andre creatueren,
ende dien te betrouwene, die ons niet en selen helpen noch uter hellen
trecken, eest dat sake dat wi mids haren wille daer in vallen. God es alleene
die ghewarech vrient die helpen mach inden noet, hi es sculdich
te sine boven alle dinc suverlec ende ghetrouwelec ghemint, ghewerdt
ende gheeert.
Sextum capitulum
Dat ander ghebot es: Du en suls niet sweren den name dijns gods te
vergeefs ende om niet.
Jeghen dit ghebot doen princepaellijc die valsch sweren al wetens,
die ghene die sweren tghene dat si wanen dat valsch es, hem verswerende,
want god en mach niet sijn ghetuighe der valscheit; ende die
ghene die bi consten valsch sweren, bi consten si hem versweren. Men
mach wel swighen ofte helen enighe waerheit, maer men mach niet
valsch seggen ende versweren. Ende de ghene die sweren oec onnutte
eede ende ontdancken gode, ende hem despiten ende hem loechenen, |
ende die gheven haer ziele den duvel ende onhoscelike spreken vander
menscelichede ons heeren ofte van sinen gloriosen zanten ofte zantinnen,
dese besondeghen hem herde verdoemelike. Ende het sijn gheset
loye ende wette wel swaer ende ordenancien beede van prelaten ende
princen sjeghen selke liede. Daer omme eest groot ghebrec in de rechters
al zi de peinen niet en volghen ende vervolghen die daer toe staen.
Ende hier op sijn sculdich hem vele te aviseerne de coepliede, ende de
ghene die hem lichtelijc grammen ende die hem lichtelijc verhitten in
haer spel, wat spele dat zi, eest van terlinghen of van andren, ende die
hem lichtelijc bevoelen van dronkenscape, ende ghemeenlec alle de
ghene die ane hem hebben quade costume van lichtelijc ende staphants
te swerene, want dicwile si hem versweren. Ende hier in sijn eneghe
menscen quadere dan joden of sarrasine, ende min eerende.
Ende jegen dit ghebot misdoen de ghene die hare ghelofte breken
K 204 cf. 107
V 195 fladderien: ‘gevlei’; niet in MNW, verwant in betekenis en spelling aan flatteren: ‘vleien’; cf. Ouy, 19:
flaterie (Lat.: adulatio) 213 despiten: ‘minachten’ (MNW Suppl.); cf. Ouy, 21: despiter 214 onhoscelike:
cf. onhoveschelike: ‘op een lompe wijze’, en Ouy, 21: deshonnestement 222 terlinghen (terninc):
‘dobbelstenen’
P 227 ghebot: lijkt door een andere hand geschreven.
47ra