Download pdf - Textualscholarship.nl

120
124
128
132
136
140
144
148
152
7 Jean Gerson, Miroir de l’ame 295
len hebben eewelike pine ende torment meer dan wi souden mogen
verpensen. Wel es waer dat god wel bekent onse broecheit ende
cleene macht, ende daer omme en heescht hi ons niet alle den dienst die
wi hem met rechte sculdich waren te doene; maer hi heeft ons ghegheven
i seker ghetal van gheboden, de welke, op dat wijt wel houden, het
es hem genoech ende houdt hem ghepaeyt. Ende sijn gheheeten de x
ghebode vanden ghelove, de welke wi sijn sculdich te wetene bi ons
selven ende bi andren te doene grote neersticheit om die te wetene,
want anders en souden wi niet mogen scuwen de zonden noch daer af
bequamelike penitencie ghedoen. Ende diese bi sijnder roekeloesheden
ofte traecheden niet en weet ofte laet te wetene, hi en sal niet gheonsculdicht
sijn maer verdoemt. Ende daer omme so es sculdich elc
kersten mensce hem te pinene die te verstane om te behoedene sijn
gheestelijc leven, meer dan hi doen soude om te behoedene sijn vleschelijc
leven.
Dit sijn de x ghebode
Du selt minnen gode uut al dijnre herten. |
Du en sels niet sweren den name dijns gods te vergheefs ende om niet.
Du sels vieren de sondaghe ende de heilighe daghe die gheboden sijn
te vierne.
Du sels eeren dine vadere ende moedere.
Du en sels niet doen doetslach.
Du en sels en gheene diefte doen.
Du en sels niet doen oncuischeit.
Du en suls niet draghen valsch ghetuighe.
Du en sels niet begheren anders mans wijf noch een wijf andere wijfs
man.
Du en suls niet begheren anders goet.
Dits tvijfte capittel
Dat ierste ghebot es: Du sels minnen dinen god uut al dijnre herten,
uut al dinen gepeinse, ende uut al dijnre cracht ende boven al.
Dats te segghene, dattu niet en sels moeten willen weten iet te minnene
meer dan gode, overmids welke minne du verlies sine minne.
Ende cort te segghene, du sels dat doen, wildi volcomen ende houden
sine wet ende sine ghebode, anders niet.
K 121 broescheit: cf. Ouy, 15: fragilité
P 125 ghepaeyt: hs. ghapaeyt
46va