Download pdf - Textualscholarship.nl

48
52
56
60
64
68
72
76
80
84
7 Jean Gerson, Miroir de l’ame 293
ste eewe der werelt aennemen menscelijc vleesch inden precieusen lichame
ane der maget Marien, sonder enich smette haers maegdoms.
Ende dese vereeninge vander godheit tot onser mensceit was selc, dat
god bleef ghewarich god ende wert ghewarich mensce inden persoen
vanden zone, den welken wi heeten Jhesum Cristum, dats onsen behoudere
ende verlossere, die langhe te voren gheboetscap was vanden
patriarken ende vanden propheten, ende ten lesten wert geboren in
dese werelt, ende bekent vanden herden inder nacht ende vanden iii
coningen ende van Symeone ende vanden anderen vaderen, ende hi
was bewijst metten vingere van sente Janne baptisten. Ende hi predicte
omtrent iii jaer, doende miraculen sonder ghetal, ende gaf ons de
kerstine wet ghescreven in dewangelien vanden viere ewangelisten;
ende oerdeneerde die vii sacramente, dats tsacrament des doepsels,
ende tsacrament vanden vormsele, ende dat heilich sacrament vanden
outare, dat sacrament der penitencien, dat sacrament der oerdenen, dat
sacrament des huwelics, ende tsacrament des olisels. Ende ten lesten,
om ons te verlossene, hi ontfinc herde bittre doet vanden rechtre gheheeten
Poncius Pylatus aen den cruce, ende namaels was begraven,
ende daer na opstont des derden daghes ende openbaerden sinen disciplen
ende menichwerven binnen dien xl dagen die hi bi ons menscelijc
was, ende hi voer op openbarlijc te hemele hem allen aensiende,
ende sit | ter rechter hant sijns vaders. Ende als de werelt sal enden
metten viere, ende alse elc mensce sal verrisen in ziele ende in live, dan
sal hi houden sijn oerdeel ende gheven elken na sijn gewerken: den
goeden dat ewich rike, ende den sondare die ewige pine metten helscen
viere.
Ende dit dat hier geset es, houdt ons kersten ghelove in, dwelc elc
kersten mensce es sculdich te ghelovene die redene ende sijn vijf zinne
te hem waert heeft, oetmoedelijc sonder meer te vele ondersoeken,
puer lec sonder valscheit, ghewaerlec ende sekerlec sonder enich twi -
felen. Ende van diepere verstannissen der heiligher scriftueren sal die
mensche gheloven al dat die heilighe kerke gheloeft, hem altoes vaste
houdende ant ghelove der heiligher kerken, ende der heiligher vaders
ende clerken, ende sancten ende santinnen, die dat heilighe ghelove
ghetuicht, gheorcont ende ghesterct hebben, altoes daer in volstaende
toter doet.
Jeghen dit ghelove misdoen ongelovege menscen die ons kersten
ghelove eenwerf ontfaen hebben inden heilighen doepsele ende na -
maels willens ende wetens ons ghelove niet houden en willen, ofte hem
P 67 Onder de laatste regel van kol. 45vb is in rode inkt een onverklaarbaar cijfer 6 geschreven.
46ra