Download pdf - Textualscholarship.nl

288 Het Wiesbadense handschrift folio 44va-44vb
4572
1
4
8
12
16
20
24
tine ende vergadert ten vlaemsce, ter leeringen van simplen menschen
uut minnen.
►Hier eindet die spieghel van den kerstenen ghelove◄
[6 TEKST OVER DE O-ANTIFONEN]
Van der O diemen inden advent singt
Die O diemen inden advent singt ende lude roept, bediet dat roepen
ende verlanghen der propheten ende der ouder vaderen, die alsoe verdonkert
waren inder erfsonden dat si gode niet vinden noch aenscouwen
en mochten, hoe vele dogheden dat si daden. Ende alsoe en mo -
ghen si noch alle die verdonkert sijn in dootliken zonden. Daer omme,
doen ons god sine hogheste minne wilde bewisen, | doen sende hi ons
sinen eneghen zone, die ons leerde ende wijsde hoe wij gode vinden
moghen. Ende hier omme riepen die propheten vele hondert jare:
Gave god, dat die hemele scoerden, ende hi quame ons verlossen. Dese
riepen met jammere ende met weenen ende met groter bedruchtheit,
ende worden ghemarteliseert ende storven om dit gheloeve, selke meer
dan m jaer voer Cristus gheboerte. Ach, saghen wij hier in te rechte,
ons soude jammeren.
Alse kersavont lijdt, soe singtmen ende roept luyde Puer nobis van
bliscapen die alle zaleghe creatueren hadden in den hemel ende opder
erden ende inder hellen. Ach, hoe zeere jammert nu allen godliken
herten, als si horen ende sien dit minlike hoghetijt met soe groter ydelheit
begaen. Oude ende jonghe die ghelaten nu of si zinneloes waren.
Wat devocyen leeren die jonghe nu ane doude? Ach, lacen, hoe cleyne
es die gode ontfermnysse, hier omme moet van node bitterlec staen in
die heileghe kerke. Want oetmoedicheit, ontfermherticheit, trouwe,
waerheit, broederlike minne, penytencie, reyn leven, gherecht gheloeve,
gherecht hope, dit es zeere vergaen inder heilegher stat. Ende want
elc mint hem selven ende soect sijn eyghen vordeel in al dat hi vermach.
Nota bene. |
[6]
44vb
V 4573 De titel in dit explicit is onjuist.
[6] 1 De O-antifonen worden gezongen in de dagen voor Kerstmis (17-23 december) 15 Puer nobis:
verwijzing naar de eerste woorden van het introïtus-gezang in de dagmis van Kerstmis: Puer natus est nobis;
cf. Jes. 9:6 19 ghelaten: ‘gedragen zich’
P 4573 Explicit in margine, mogelijk toegevoegd door hand 7 (zie afb. 29, p. 58).
[6] De tekst is als bladvulling geschreven door hand 7 (textualis). 1 Opschrift in rode inkt, door
hand 7 26 Na Nota bene heeft hand 7 zijn paraaf geplaatst.