Download pdf - Textualscholarship.nl

4536
4540
4544
4548
4552
4556
4560
4564
4568
5 Wech van salicheit 287
mensce es schuldich dese bliscap van hemelrike te begerne.
Dierste redene es, om dat si sijn die lone daer toe dat god die vader
alle goede menscen gheroepen heeft bi sinen ghebenediden zone in
dien weerden woerde der ewangelien daer hi sprect aldus: Comt te mi,
alle die pinet ende ghelast sijt, dats te verstane met werden penitencien
in erdrike, ende ic sal u voeden ende versolacen, dats te verstane met
volre bliscepen met mi selven in hemelrike.
Dander redene es om dat dese bliscepen sijn dende vanden weghe
dien god de zone selver alle menscen met heilicheden van levene ende
van leeringen bewijst heeft, dwelke hi met dogene ende metter bitter
doet tallen goeden menscen behoef aen gode sinen gebenendiden vader
verdient ende ghewonnen heeft, ghelijc datmen merken mach ute
den woerde der ewangelien, daer bescreven staet aldus: Des menschen
sone quam in eerderike soeken ende behouden maken dat verderft
was. Dats te verstane aldus: Den menscen die bederft ende verloren
waren mids den sonden, dien quam des menscen zone, dats onse behoudere
Jhesus Cristus, soeken metten weghe van dogeden die hi levede
ende leerde, ende behouden maken metter verdienten van dogene
ende metter persse van siere bitter doet, die hi sonder | sine schult
om der menscen zonden verdroech ende smaecte. Ten welken ende,
also die wise man bescrijft, alleene die ghene gheroepen sijn van gode
die dat begherende sijn. Ende om datmen niet comen en mach ten einde
van den weghe sonder biden weghe, ende om datmen te desen zaleghen
einde ende te desen bliscepen van hemelrike, dat god selve es,
niet comen en mach met eenen andren weghe dan die ghebenedide
gods zone, Jhesus Cristus onse behoudere, selve daer toe comen es,
dats metten weghe vander waerheit die hi gheleert heeft ende van
doegden die hi gheleeft heeft, ende van doghene dat hi verdreghen
heeft, so sullen wi nu int einde van desen boeke gode bidden dat hi ons
bi siere heiliger doet ende bider bede van siere werder moeder Marien
gracie gheve dit einde van desen eweliken bliscepen, dat hi selve es, so
te begerne ende den wech dien hi ons selve, also vorseit es, daer toe bewijst
heeft ende also ons in dit boec een deel gheleert staet, te gane, dat
wi dien zaleghen einde moeten gheraken. Dies moet ons onnen
god die vader, die zone entie heilighe gheest. Nu segt alle Amen. Ende
bidt met minnen over den priester die dit boec ghetrect heeft uten la-
B 4538/40 Mat. 11:28 4547/9 Mat. 18:11 4555 n.g.
K 4568 te dien] 1479, ten B G, dien W
V 4553 persse (perse): ‘lijden’
44va