Download pdf - Textualscholarship.nl

284 Het Wiesbadense handschrift folio 43rb-44ra
4428
4432
4436
4440
4444
4448
4452
4456
4460
claerheit gods die verlicht alleene de stat van hemelrike entie zalege,
ende sine glorie en es den zaligen el niet te aenscouwene dan in volre
weelden sijn, want ‘gloria’ luidt also vele als ‘weelde’ of ‘bliscepe’.
Dattie lichamen der salegher sullen hebben onsterfelichede, dat orcont
wel die wise man, die seit aldus: Die gherechteghe sullen in dat
ewighe leven. Want gherechticheit es ewich ende onsterfelijc, want
haer loen es ewich, dat es god die ewich es. Dese zaleghe sullen lan gher
leven vele dan | Mathusael dede, daer af datmen leset inden iersten
boec der biblen dat hi levede wel na duisentich jaer, want si sullen ewelijc
leven, also vorseit es. Dat dese onsterfelichede spruit ute der on -
ghedoechlichede die de zaleghe hebben sullen inden lichame, daer Albertus
af seit so vorseit es, dat die lichamen vanden ghebenediden
sullen also onghedogelijc sijn datse en gheen dinc van buiten sal mo -
ghen verandren, ja, al waert moghelijc datsi in die helle worden gheset,
si en souden gheene pine no gheene quetsinge daer moghen ghevoelen.
Dat die lichamen der salegre sullen hebben sterchede, dat orcont
wel Ancelmus, die seit aldus: Na dat die viant uter hellen, die gods
viant es, bider sterchede van siere natueren die berghe verdraegt, die
winde entie tempeeste verwect, so sal god sinen vercorenen ende sinen
gheminden vele meerre cracht gheven, want also lichtelike souden si
die bergen ende al eerdriken metten voeten moghen keeren, wilden si,
alsijt souden niet ghesien, dats alsi souden hare oghen gheluiken. Want
also sente Augustijn seit, also groet sal sijn in die zaleghe dat vermo -
ghen van doene als ene zalichede. Dese sterchede der saliger es vele
meerre dan de sterchede was van Sampsoene, daer men af leset inden
boec diemen heet Judicum, dat hi metter kake van enen ezel m siere
viande doet sloech, ende andre crachte vele toegde diemen daer vint.
Maer die stercheit der saleger es vele meerre, also voerseit es, want al
eerdrike souden si keeren ende wenden waer si wilden. Dat dese sterc -
hede spruit uter onghedoghelicheden die de saleghe hebben sullen in
den lichame, daer Albertus af seit also vorseit es, dat machmen merken
vele ute dien dat die onghedogelichede der zaligre sal sijn so groet, datse
gheen dinc van buiten sal moghen wederstaen van wat si sullen willen.
Also sente Augustijn seit: So wat die zaleghe in hemelrike sullen
willen, dat sal daer sijn; ende so wat si daer niet en sullen willen, en sal
daer niet sijn.
Dat die lichamen der salegre selen | hebben ghesonthede, dat orcont
wel Ancelmus, die seit aldus: Den vercoernen gods en sal ne gheene
B 4429/30 Wijsh. 5:16 4432/4 Gen. 5:27 4449/51 Re. 15:15-16
V 4429/30 Die gherechteghe – leven: ‘De gerechtigen zullen leven in eeuwigheid’ (‘in het eeuwige’)
4434 vorseit: cf. 4204 4455 vorseit; cf. 4204, 4434
43va
43vb