Download pdf - Textualscholarship.nl

4388
4392
4396
4400
4404
4408
4412
4416
4420
4424
5 Wech van salicheit 283
Israhel en was gheen scoender dan Absalon. Want vander cruine vanden
hoefde toter planten vanden voeten en was ane hem gheene smette.
Maer die lichame der saligre sullen sijn vele scoenre, want also die
wise man bescrijft, ende wel beteekent staet in dewangelie bider transfiguracie,
dats bi den vertoghe dat hem Cristus vertoegde sinen apostelen
sente Peeter, sente Janne, sente Jacoppe op den berch van Thabor,
daer sijn ansichte was blickende ghelijc der sonne ende sine
cleedre wit ghelijc den snee: Die gerechtighe sullen blicken ghelijc der
sonnen, die dan sevenwerf clarer schinen sal dan si nu doet, also die
prophete Ysayas ende andre leeraers bescriven. Hier ute so machmen
merken dat die scoenheit der zalegre, daer nu af vorseit es, wel spruiten
mach uter claerhede die die lichamen der saligre hebben selen, daer
Albertus af seit, so vorseit es.
Dattie lichamen der salegre sullen | hebben weelde, dat orcont wel
Ancelmus, die seit aldus: Of die quade over al die lede van haren lichame
alle pine ende swaerhede gevoelen om dat si in eerdrike tgoede
niet doen en wilden, hoe vele bat selen die zalege in alle die lede van
haren lichame alle weelde ende alle zoetheden ghevoelen om dat si in
eerderike tgoede ghedaen hebben. Dese weelde, also die selve leerare
seit, sullen sie ghevoelen in allen haren zinnen, ghelijc den ghenen die
in een vier ware in alle de lede van sinen lichame die hitte van dien viere
soude bevoelen. Dese weelde der zaligre sal sijn vele meerre dan was
die weelde of die rijcheit vanden coninc Saelmoene, daer af bescreven
staet inden derden boec der coninge dat alle die vate daer ute dat hi
dranc ende al dat te sinen huise toebehore[n]de, was van finen goude.
Ende in eenen andren boec die hi selve maecte, so sprect hi aldus: Ic
hebbe vergadert goud ende zilver, ic hebbe ghemaect mine singhers
ende mine singhersen, ende ic hebbe gehadt die weelde vanden menscen;
ende so wat mine oghen begerden, dies en hebbic hem niet ghewerent.
Maer die weelde in hemelrike der zalegre ende die rijchede sal
sijn vele meerre, want si sullen hebben gode in hem lieden, die fonteine
es van allen goede, die versadende es die begerten vanden zalegen
sonder eenich versaden. Dese weelde spruit uter claerhede die de zalege
hebben sullen inden lichame, daer Albertus af seit so vorseit es. Dat
orcont Ysayas, die seghet dat die zaleghe sullen aenscouwen den coninc
van glorien in sijnre scoenheit. Sine scoenheit es den zaleghen
claerheit in hemelrike. Want also sente Jan in Apokalipsis bescrijft, die
43rb
B 4391/5 Mat. 17:2 4395/7 Jes. 30:26 4410/2 cf. 1 Kon. 7:48, 51 4413/5 Pr. 2:8 4416 Pr. 2:10
4422/3 Jes. 33:17 4424/5 Apok. 21:23
K 4412 toebehoorde] B G 1479, toebehorende W
V 4398 vorseit: cf. 4379/97 4400 vorseit: cf. 4200/3 4421 vorseit: cf. 4200/4, 4397/400