Download pdf - Textualscholarship.nl

282 Het Wiesbadense handschrift folio 42vb-43rb
4356
4360
4364
4368
4372
4376
4380
4384
ke. Die ingle sullense hebben in werdicheden, om dat si dat ghetal van
hem lieden met harer verdienten vervult hebben. Die zalighe entie heiligen
sulse eeren ende werdeghen, om dat si bider toecomste van hem
lieden hare volle bliscepe, dats in die ziele ende inden lichame, ont faen
hebben. Die hemel entie eerde ende al datter in sijn sal, dats die zonne,
de mane ende andre planeten ende die iiii elementen, sullen oec die
zalige eren, om dat si bi haren goeden werken ghehaest hebben dat si
van gode so grotelike ghebetert sijn, vernieut sijn ende ghesuvert sijn,
daer vore af staet geseit. Ende dat dese hoecheit van eren der zaligre
spruit ute dien dat si sullen hebben i ghebruiken der waerheit gods,
daer Albertus af seit also vorseit es, dat orcont wel sente Augustijn,
daer hi seit dat de waerheit in hemelrike coninc es. Want ghelijc datmen
segghen mach, oec na die werelt, dat die alder meest eeren wert es
die wijsheit soect, niet diet goet meest zoect of weelden – want ne
gheen gout, no precieuse steene sone moghen der wijsheit ghecompereert
wesen, also die wise man seit –, also es god | in hemelrike die alre
hoechste eerende, die in eerdrike die waerheit te kennen alre neerstelijcst
hebben ghesocht ende die alre blootst hebben ghelevet. Ende dattie
ere vanden saligen in hemelrike sal zijn groet, dat orcont wel die
heilige scrifture in vele steden, die seegt dat si alle sullen sijn coninge
almogende van haren wille, dat si alle sullen zijn met Cristus, den gebenediden
gods zone, oer vanden rike gods, dat si sullen sijn heeren –
want also in dewangelie staet bescreven, Cristus sal vore hem lieden
liden ende hem lieden dienen –, ende dat si alle sullen zijn, also die
prophete David bescrijft ende vorseit es, gode ende die kindere gods.
Vanden ghiften van bliscapen der zalegre inden lichame sonderlinghe
Dat die lichamen der zaligre in hemelrike sullen hebben scoenheit, dat
orcont wel die leerare Ancelmus, ende seit aldus: O hoe groet sal sijn
die scoenheit der zaligere die sonder ghetal sijn, alsi ghelijc sullen sijn
worden den claren lichame ons heeren, also den zalegen belovet staet
uten monde ons heeren bi sinen heiligen leerare sente Pauwelse aldus:
God sal vermaken onsen cleenen lichame in toechlichede der claerheit
des lichamen ons heeren. Dese scoenheit der lichamen der zalgre
sal sijn vele meerre dan die scoenheit van Absaloene, daer af ghescreven
staet inden andren boec der coninge aldus: Onder al dat volc van
B 4366/8 cf.Wijsh. 7:8-9 4375/6 cf. Mar. 10:45 4377 Ps. 81(82):6 4384/5 Fil. 3:21 4387/90 2 Sam. 14:25
K 4385 zaligre] B G 1479, zalgre W
V 4361 vore ... geseit: cf. 3362/3419 4363: vorseit: cf. 4190/6, 4271/73, 4291/3, 4331/3 4377 vorseit: cf.
4326/7 4384 toechlichede: ‘sierlijkheid’; niet in MNW, afgeleid van togelijc: ‘bijzonder, sierlijk’
43ra