Download pdf - Textualscholarship.nl

4320
4324
4328
4332
4336
4340
4344
4348
4352
5 Wech van salicheit 281
ghen versleghen iii daghe ende enen halven ende iii nachte, datse niemen
en sal dorren begraven. Ende na die iii daghe ende i halven sullen
si verrisen, ende daer sal antkerst ende dese dode horen i stemme uten
hemele: Enoch ende Helyas, clem hier op. Ende dan sullen si opvaren
inden hemel, ende daer na sal antkerst regneren xv daghe.
Dat dese salighe sullen hebben volmaecte mogenthede van al haren
wille, dat orcont wel Ancelmus, ende seit aldus: Die moghentheit der
zaligre, die sal sijn also groet, als die heilighe scrifture seit, dat si an dre
hemele ende andre eerdrike souden moghen maken, wilden si. Want
also inden souter biden prophete David staet bescreven: Si sijn alle
gode ende kindere gods. Maer gheene andre hemele no andre erdrike
so en sullen si willen maken, want god en heeft en gheene dinc onvolmaect
ghelaten, maer alle dinc volmaect ende vol ghedaen selve, also
inden iersten boec der biblen staet ghescreven ende in dewangelie. Dat
dese volmaecte mogenthede van al haren wille spruit ute dien dat die
salige sullen hebben i ghebruiken der waerheit gods, daer Albertus af
seit also vorseit es, dat orcont wel sente Jan in dewangelie, daer hi
sprect vander macht der zaligre die in dat warachteghe licht dat alle
menscen die in dese werelt comende sijn verlichtende es, dats in Cris -
tum, ghelovende , aldus: Hoe vele datter sijn die Cristum ont -
faen hebben die dese waerheit es, dien heeft god macht ghegeven te
wordene die kindere gods, uten welken si dese | volmaecte moghentheit
hebben, also vorseit es.
Ende dattie zielen der saligre in hemelrike sullen hebben hoecheit
van eren, orcont wel onse behoudere Jhesus Cristus selve in dewangelie,
daer hi seit aldus: So wie mi ghedient sal hebben in eerderike, mijn
vader sal dien eren in hemelrike. Dese hoecheit van eeren es wel beteekent
inden iersten boec der biblen bi Joseph, die so hoechelike van
pharao, den coninc van Egypten, gheert was, dat hine sette prince te
sine van al sinen lande, ende dat niement niet doen en soude in dat lant
van Egypten sonder die ghebode van hem. Vander hoecheit vander
eren der zalighre, so sprect i leerare aldus: O hoe hoechelike selen
gheert sijn die zalighe, die god selve eren sal als sine kindere, alle in gle
in werdicheden hebben sullen als hare princen, ende alle zalige elc an -
dren eren sullen als of elc ware i god. Want god salse eren ende hem
lieden dienen in hemelrike, om dat si hem ghedient hebben in eerdri-
B 4326/7 Ps. 81(82):6 4329/30 Gen 1:31, cf. Joh. 1:1-3 4336/8 Joh. 1:12 4342/3 Joh. 12:26
4344/7 cf. Gen. 41:37-45
K 4336 sijn] B G 1479, om. W
V 4333 vorseit: cf. 4190/6, 4271/3, 4291/3
42vb