Download pdf - Textualscholarship.nl

280 Het Wiesbadense handschrift folio 42rb-42vb
4284
4288
4292
4296
4300
4304
4308
4312
4316
de, dats te verstane in paise, also hi daer seegt, ende van allen goede.
Van deser versekerthede so sprect wel sente Jan in Apocalipsis: God
sal droghen alle tranen vanden oghen der zaligre, ende dan sal voert
ane sijn ne gheene doet, no gheene weeninghe, no gheene roepinge, no
droefhede, no seerichede. Maer waer omme eest dat dese zalige aldus
seker sullen staen in allen goede ende buiten allen doeghene? Dit orcont
wel sente Jan in dat selve woert aldus: Want si voren leden sijn,
dats te verstane, in dogene. Hier uut mach elc merken dat so wie in
eerdrike doghen heeft om die gherechtichede, dat hi in hemelrike sal
hebben versekerthede van allen goede ende ne gheene vreese van ene -
ghen quade. Dat dese versekerthede van allen goede spruit ute dien dat
die zalige sullen hebben i ghebruiken der goethede gods, daer Albertus
af seit also vorseit es, dats wel te merkene ute dien dat gods ghebruiken
en es el niet dan gode besitten met volre ghenuechten. daer men
vreese af heeft te verliesene, maer in de ghene die gode minnen, dats in
die zalighe, so ne mach en gheene vreese staen, want also sente Jan seit,
volmaecte minne stect uut alle vreese. Dese versekerthede van allen
goede der zaligre in hemelrike sal vele meerder sijn dan was die versekerthede
van Enoch ende Helyas, daer af bescreven staet inden iersten
boec der biblen ende inden vierden boec der coningen dat Enoch wandelde
met gode ende dat Helyas met enen viereghen waghene was opghevoert
int eerdsche parendijs, ende daer sijn si beide ghevoedt ende
ghesustineert vander vrucht vanden houte van levene. Ende daer, also
sente Bernaerd seit, loven si alleene gode, si kennen alleene gode ende
si begheren alleene gode, ende nochtan es die versekerthede der zali gre
in hemelrike vele | meerre. Want de zalige en sullen gheene vrese hebben
*van eneger doet* die hem toe comen mach, maer Enoch ende Helyas
sullen moeten sterven. Want also Albertus seit, in die tijt dat antkerst
sal hebben gheregneert ende tfolc verkeert ende ghepersequeert
ende uten ghelove van Cristus ghetrocken, so sal god senden dese ii
heilighe vaders, Enoch ende Helyas, sine orconden jeghen hem, die
welke predeken sullen drie jaer lanc duerende ende tvolc roepende te
penitencien, ende sullen hem selve die penitencie togen, ende sullen
also die joden ten ghelove van Cristus bekeeren, waer bi datse antkerst
sal doen doet slaen in die stat van Jherusalem, ende daer sullen si lig-
42va
B 4282/5 Apok. 21:4 4287 n.g. 4298 1 Joh. 4:18 4300/1 Gen. 5:22, 24 4301/4 cf. 2 Kon. 2:1-12
4309/21 Want also – daghe] cf. CTV, lib. 7, cap. 12 – ed. p. 244
K 4294/5 nu – ghenouchten] B G 1479, om. W 4308 van enigher doot] B G 1479, vander doet eneger W
V 4293 vorseit: cf. 4190/6, 4271/73