Download pdf - Textualscholarship.nl

4248
4252
4256
4260
4264
4268
4272
4276
4280
5 Wech van salicheit 279
tusscen David ende Jonathas, daer af be screven staet inden andren
boec der coninge aldus: Die ziele van Jonathas was verenicht metter
sielen van David, ende hi mindene gelijc siere zielen.
Dattie zielen der zaligre selen hebben acoerd ende enichede, dat orcont
wel Ancelmus, die sprect aldus: Int lantscap der zaligre sal sijn
sulc acoert onder de zalege, datmer niet sal vinden enige smette daer
discoert af sal moghen comen. Want niet minder acoert en sal daer sijn
onder die liede van Cristus, dats onder die zalige, dan men nu hier vint
onder die lieden van enen lichame die sterfelijc es. Maer te verstane
vele meere, dat dit acoert spruit uut minnen, daer Albertus af seit
also vorseit es. Dat orcont wel die Meester van Sentencien, die seit,
also vorseit es, dat elc van dien zaligen sal also seere verbliden vanden
goede des anders als of hijt in hem selven hadde. Dit acoert der saligre
sal sijn so groot, also sente Bernaerd seit, dat van allen inglen ende van
allen menscen sal daer sijn eene bliscepe, eene werscepe ende i ghemeene
sprake.
Dat die sielen der saligre in hemelrike sullen hebben volle bliscap
sonder enich ghebreken, dat orcont wel sente Gregorius, die seit aldus:
Dan so es volmaectelike die cnape in die bliscap sijns heeren gheset als
hi in dat ewige lantscap in dat gheselscap der engle ontfaen es; ende van
binnen so verblijd hi vanden ghiften gods, datten van buiten gheene
dinc bedroeven en mach. Dese bliscap der zaligre sal sijn so groet, dat
si sullen sijn so *omrinct vander bliscepe ende vanden goede gods van
buiten, van binnen, van boven ende van al omtrent, ghelijc dat die
visch es al int water, ende ghelijc dat yser als het gloeit alst es int vier.
Dat dese volle bliscepe spruit ute dien dat vorseit es, dat die zalighe
sullen hebben i ghebruiken der goetheit gods, daer Albertus af seit also
vorseit es, dat orcont wel sente Bernaerd die sprect aldus: Waerlike,
dat es dupperste entie volmaecste bliscepe die niet van creatueren en
spruit maer vanden sceppere, dats van gode, want als mense besit, niemen
mach hem letten no | afnemen vanden ghenen diese besit. Dits wel
i ghebruiken der goethede gods.
Dat die salige sullen hebben versekerthede van allen goede, dat belovet
hem lieden god selve bi sinen prophete Ysayas, daer hi seit: [van]
Hem lieden, dats den zaligen, sal wesen int ewelike leven versekerthe-
42rb
B 4256/8 Dat orcont – hadde] Petr. Lomb., Sent., lib. 4, dist. 49, cap. 3 – ed. p. 552, nr. 282 4280/1 cf.
Jes. 61:7
K 4255 es] B G 1479, om. W 4268 omrinct] B, groet G W, vol 1479 4279 seit] B G 1479, van add. W
V 4251 datmer: samentrekking van dat men er 4256 vorseit: cf. 4241/2 4257 vorseit: cf. 4026/8 4271,
4273 vorseit: cf. 4190/6