Download pdf - Textualscholarship.nl

4172
4176
4180
4184
4188
4192
4196
4200
4204
5 Wech van salicheit 277
hede, gelijc dat iiii elementen sijn daer die lichame af ghecomponeert
es. Want ghelijc dat dwater claer es ende doersienich, also sullen die lichamen
der zaligre hebben claerheit; ghelijc dat die eerde is vast ende
omberoerlijc, also sullen si sijn ongedogelijc; ghelijc dat tvier es subtijl
ende licht, also sullen si sijn subtijl, licht ende cleenich; ende ghelijc dat
die lucht es beroerlijc, also sullen oec die lichamen der saligre snel sijn
ende beroerlijc.
Hoe dat dese leerare Albertus deser ghiften van bliscepen der zali -
gre en noemt maer vii, dats iii der sielen ende iiii den lichame, also
vorseit es, andere setter xiiii, dats vii der sielen ende vii den lichame,
ende dit mach wel staen te gader. Want die vii die Albertus seit, die
nemt hi int generael, | dats int ghemeene, maer andere leeraers diere
xiiii setten, nemense int speciael, dats in sunderlingen, als uten vii vor -
seit spruitende, also ghi horen sult.
Want die vii die andre leeraers setten na der zielen sijn dese: wijsheit,
vrienscap, acoerd of eenichede, volmaecte mogenthede van al haren
wille, volmaecte versekerthede van allen goede, volle bliscap sonder
enich gebreken, ende hoecheit van eren. Dese spruiten wel ute den
iii die Albertus seit, die voernoemt sijn, want ute dien dat die zalige
sullen hebben kennisse der upperster waerheit, also Albertus vorseit
int ghemeene, so machmen wel seggen dat si sullen hebben wijsheit,
vrienscap ende acoert. Ende ute dien dat Albertus seit dat si sullen
hebben i ghebruiken, dats te verstane beide vander waerheit ende vander
goetheit die god es, so machmen wel segghen dat si sullen hebben,
also andre leeraers segghen, volle bliscap sonder enich ghebreken, ende
volmaecte versekerthede van allen goede, volmaecte moghenthede van
al haren wille, ende hoechede van eren, als uten ghebruikene der waer -
heit gods spruitende.
Entie vii ghiften van bliscepen der zaligre in hemelrike inden lichame,
also andre leeraers seggen, sijn dese: scoenheit, weelde, onsterfelicheit,
stercheit, ghesontheit, vriheit ende snelheit. Dese spruiten oec
wel uten iiii die Albertus seit, die voernoemt sijn, want ute dien dat die
lichamen der zaligre sullen hebben claerhede, also Albertus seit int ghemeene,
so machmen wel seggen dat si sullen hebben onsterfelike weelde
ende scoenhede, also die andre leeraers segghen, sunderlinge. Ute
dien dat si sullen hebben onghedogelichede, also Albertus seit, so
machmen wel seggen dat si sullen hebben sterchede ende ghesonthede.
Ende ute dien dat si sullen hebben subtijlhede, so machmen wel merken
dat si sullen hebben vrihede. Ende in dien dattie lichame der zali -
B 4176/8 Hoe dat – vorseit es] cf. CTV, lib. 7, cap. 25-28 – ed. p. 254, 257
V 4178 vorseit: cf. 4157/9, 4167/9 4188 vorseit: cf. 4159/60
41va