Download pdf - Textualscholarship.nl

4100
4104
4108
4112
4116
4120
4124
4128
4132
4136
5 Wech van salicheit 275
O hoe scone es die stede, want die stede es in soetheden wel riekende,
int aenscouwen scone, int smaken soete, int tasten sochte, int rieken
bequamelic ende altemale begerlijc.
Derdewerf es de mensce sculdich te peisene om dat daer es versekerthede
van volmaecten paeise. Dit bescrijft Ysayas die prophete aldus,
sprekende inden persoen van gode: Mijn volc sal sijn in scoenheden
van paise. Ende in i andre stede aldus: Sijns paeis en sal gheen ende
worden.
Vierdewerf om al dat blide gheselscap vanden zaligen, want also
sente Augustijn seit: Int huis des vader van hemelrike so en sal onder
de salighe gheenen nijt sijn maer i ewige minne, uuter welker elc ver -
bliden sal vans anders volmaectheden, also vorseit es. Dit staet wel beteekent
in den derden boec der coninge bider coninginnen Saba, die in
Jherusalem quam besien die wijsheit van den coninc Salomoene, die
sprac dese woerde: | Salich sijn uwe liede ende uwe cnapen die een -
paerlijc vore u staen ende horen uwen wijshede.
Vijftewerf es de mensce sculdich te peisene om dat de zalighe in hemelrike
sullen hebben volle kennisse der godhede. Hier af sprect sente
Pauwels aldus: In eerdrike wesende so ne kent die mensce ne waer
gode ghelijc datmen i dinc siet in eenen spieghel, dats die ghelike van
dier dinc, maer in hemelrike met gode wesende so sal hine kennen volmaectelike,
ghelijc datmen i dinc kennen mach datmen siet aensichte
aen aensichte. Want also die Meester van Sentencien seit: Die zalighe
sullen alle kennen al datter godheit toe behoert. Want, also sente Bernaerd
seit, si sullen kennen des vaders moghentheit, des soens wijsheit,
des heilich gheest goetwillicheit. Ende aldus gode kennen, also in dewangelie
bescreven staet, en es el niet dan ewelike met gode leven; ende
ewelike aldus met gode leven en es el niet dan gode volmaectelike kennen.
Sestewerf es die mensce sculdich te pensene om dat in hemelrike es
ewicheit van gebrukene gods. Hier af sprect sente Bernaerd aldus: Alle
zalighe sullen gode sien in dat lantscap van levene – dats in hemelrike –
te haren wille; si sullene hebben te harer weelden ende si sullen sijns
ghebruiken te harer bliscepen; in ewicheden sullen si verhogen, in
waerheden sullen si blicken, in goetheden sullen si verbliden.
Ende sevendewerf es die mensce sculdich te pensene om dat die salighe
in hemelrike verbliden van dien dat si van gode daer toe vercoren
sijn, dat si de werelt versmaet hebben, der hellen ontvloen sijn, ende
B 4105/6 Jes. 32:18 4106/7 Jes. 9:7 4112/5 cf. 1 Kon. 10:8 4118/22 1 Kor. 13:12 4122/8 Want also
– kennen] Petr. Lomb., Sent., lib. 4, dist. 49, cap. 1 – ed. p. 1027-1028, nr. 435 4126 cf. Joh. 17:3
V 4111 vorseit: cf. 4026/8 4118 ne waer (neware): ‘slechts’
41ra