Download pdf - Textualscholarship.nl

274 Het Wiesbadense handschrift folio 40va-41ra
4064
4068
4072
4076
4080
4084
4088
4092
4096
den ende glorien, dats te verstane rijcheden die glorieus sijn ende vol
van eweliker bliscepen haren besittere makende sijn.
Anderwerf so es die mensce sculdich te peisene om die scoenheit
van dier stede daer die zalige af sullen verbliden. Dese scoenheit leghet
in tween, dats in die wijthede van dier stede ende in die vercierheit van
dier stede. Dat die stede van hemelrike wijt es, dat seit wel sente Bernaerd
daer hi sprect: Die erve gods es men sculdich wel te begerne,
want al besittense vele zalige die oec oer sijn van den rike, die stede en
wordt daer niet te nauwre. Ende sente Gregorius seghet: Die erve der
saligre es hem allen eene ende elken alle, dats te verstane, alle die zalige
besitten die erve gods alle al, ende elc al. Dit doet die subtijlheit vanden
lichame der zaligre, daer ghi af horen sult hier na. Ende dat die stede
van hemelrike verchiert es, dat orcont wel sente Jan in Apocalipsus.
Die scoenheit entie verchierte vander stat van Jherusalem, bider welker
verstaen es die stat van hemelrike, daer bescrijft hi uten vertoghe
gods bi gheliken die verchierte *met vele meer woerden, die al te verstane
sijn gheestelike. Dat fundement van dier stat es van xii precieu -
sen steenen die hi daer noemt, entie stat heeft xii poerten, ende elke
poerte haren enghel, ende in elke poerte vanden xii gheslachten van Israhel.
Die stat heeft enen hoghen muer ende groten, entie muer | heeft
xii fundemente, ende in elc vanden fundementen een lettre vanden namen
vanden xii apostelen. Die stat es viercant in wijtheden, in lancheden
ende in hoecheden. Die stat entie straten sijn van zuveren goude,
claer ghelijc den suveren glase. In die stat en es gheen tempel, want
onse heere god selve almoghende es daer dien tempel. Die stat en heeft
gheenen noet datter sonne of mane scine, want die clarheit gods salse
selve verlichten. Entie poerten van dier stat en sullen niet worden ghesloten
bi nachte, want daer en sal gheen tijt nacht sijn. Die stat sal oec
sijn scone ende verchiert, also die leeraers seggen, van alle manieren
van bloemen, ja, gheestelijc te verstane die wel rieken vore gode. Want
daer sullen sijn appelkine wel riekende, gheestelijc te verstane in die inglen,
bloeisel van wijngaerde in die patriarken ende in die propheten,
claerheit in die apostelen, rosen in die martelaers, violetten in die confessoren,
lelyen in die maegden ende goutbloemen in die religieuse, elken
bi gheliken ghecompareert ende gheproeft bi der heiliger scriftue -
ren, dwelke te lanc ware toe te bringhene. Maer vander scoenheit van
deser stat van hemelrike so sprect sente Augustijn aldus int ghemeene:
B 4074/92 cf. Apok. 21
40vb
K 4070 oer (oor): ‘erfgenaam’ 4078 met] B G 1479, niet W 4081 vanden] G W, van dien de B, var. 1479