Download pdf - Textualscholarship.nl

4032
4036
4040
4044
4048
4052
4056
4060
5 Wech van salicheit 273
nu es int ghemeene ende hier horen selt sonderlinge. Dese bliscepen
der saligre in hemelrike sijn oec groet, ende dat orcont wel sente
Augustijn, die seit aldus: In die hemelsce bliscepe daer en gebrect
niet, daer en es niet te vele, daer en es niet te luttel; buten dier bliscepen
nes niet datmen begheren mach, ende van binnen es daer niet dat
vernoyen mach. Want also sente Bernaerd seit, god es al in al, ende
daer *bi begert daer niement vordre dan hi heeft. Die salige selen meer
bliscepen hebben na den doemsdach, alsi haren lichame elc hebben sullen,
dan si nu doen, also de Meester van Sentencien seit. Want also lange
alsi den lichame niet en hebben, so hebben si i natuerlic begheren
daer toe; ende in also velen alsi i begheren daer toe hebben, so sijn
recht vertraegt haer intencie in dat opperste goet, dat gode es, al te
voeghene. Maer als die lichame sal sijn verresen ten jonxten dage, so sal
hi gheglorificeert worden van gode, so dat hi sal sijn onsterfelijc; dan
sal die lichame metter sielen sijn ghelijc den inglen, dan sal die ziele
den lichame ghebieden entie lichame en saelt niet wederseggen; ende
dan die lichame die, in eerderike wesende, der zielen was i last, die sal
haer wesen eene bliscepe ende i glorie. Want also Albertus seit: Ghelijc
dattie ziele nu, vanden lichame wesende versceeden, heeft i vol -
maecter leven dan met den lichame wesende also lange als die lichaem
sterfelijc es, also ghelijc so sal die siele een | alre volmaecter wesen hebben
als si weder ghevoecht sal sijn ane den lichame als hi onsterfelijc
sal sijn worden. Dus so selen de zalighe na den doemsdach meer bliscepen
hebben dan si nu doen, want also Albertus seit, die ziele sal
sonderlinge bliscap hebben vander glorificacie vanden lichame.
Dese bliscepen van hemelrike, dier vele sijn, also ghi hier na horen
sult, es elc mensce wel sculdich te begerne ende te pensene om vii saken
ende om vii beneficien die ter zaliger behoef bereet sullen sijn,
daer die zalige af sullen verbliden.
Eerst so es die mensce wel sculdich te begerne die bliscepen van hemelrike
ende te pensene om dat die zalige daer sullen verbliden, van
dien dat in hemelrike es *vervulte van allen goede. Dit bescrijft die
wise man inden persoen van gode sprekende aldus: Met mi sijn rijche-
40va
B 4036/8 Die salige – Sentencien seit] cf. Petr. Lomb., Sent., lib. 4, dist. 45, cap. 1 – ed. p. 523, nr. 259
4038/47 Want also – i glorie] cf. Petr. Lomb., Sent., lib. 4, dist. 49, cap. 4 – ed. p. 553, nr. 283 4047/54
Want also Albertus – lichame] cf. CTV, lib. 7, cap. 28 – ed. p. 256 4062/3 Spr. 8:18
K 4030 ghi] om. B G W 1479 4036 bi] B G 1479, hi W 4040 si] B G 1479, om. W 4061 vervulte] B
G, vervult W, vervultheit 1479
V 3991/7 4029 vorseit: cf. 3990/1
P 4062 Achter persoen staat een losse s.